Villar inihayag ang 12th OFW & Family Summit 2023 sa November 10

Ni NOEL ABUEL

Inihayag ni Senador Cynthia A. Villar na maaari nang magparehistro ang overseas Filipino workers (OFWs) at kanilang pamilya para sa 12th OFW and Family Summit sa November 10 na gaganapin The Tent, Vista Global South, C5 Road, Las Piñas City.

Sinabi ni Villar na ang tema ng summit sa taong ito ay “Masaganang Kabuhayan Para sa OFWs and Families.”

“My family and many OFWs always look forward to this event because it has evolved into an occasion where OFWs and their families gather and interact with private and government institutions for concerns ranging from access to financial services, social benefits, legal assistance, among others,” giit ni Villar.

“We hope to inculcate financial literacy among OFWs, which will equip them with the necessary tools to grow their money in their homeland,” sabi pa ng senador na kilalang advocate ng karapatan at kaligtasan ng ating migrant workers.

Sa one-day summit, na magsisimula ito ng alas-8:00 ng umaga at matatapos alas-4:00 ng hapon kung saan tuturuan ang mga kahalok ng matalinong pamamaraan na mag-invest ng pinaghirapang pera at maiwasang maging biktima ng human trafficking, illegal recruitment at investment scams.

Maaari nang magpatala ang OFWs at miyembro ng pamilya gaya ng asawa at mga anak at magulang at mga kapatid.

Libre ang pagpaparehistro sa entrance ng venue.

Kailangang rehistrado para makasali sa raffle draw na may premyong Camella house and lot, motorcycles at mga Kabuhayan showcase mula sa All Day Home.

Puwedeng magparehistro online ang mga gustong lumahok. Pumunta lamang sa link: https://ofwsummit2023.villarsipag.org/; o i-scan ang QR code sa harap ng flyer/poster at sundin ang instructions.

Maari ring magtungo sa OFW & Family Summit Desk na nasa mga sangay ng Vista Mall at Starmall sa buong bansa.

Makapagparehistro rin ang mga ito on-site sa November 10, Biyernes.

“Read the instructions for registration and submit needed documents which can be seen in the flyer/poster/registration link,” ayon pa dito.

Matapos ang registration, hintayin ang confirmation/verification na ipadadala sa email o mobile.

Sa mga lalahok sa summit, kailangang magdala ng mga sumusunod: passport at working visa ng OFW, katibayan ng remittances, Seaman’s Book, job contract, kopya ng marriage contract, birth certificate para patunay na kamag-anak ang OFW, Covid vaccination card, Vax certificate o International Certificate of Vaccination sa 1st dose at 2nd dose.