Ni NOEL ABUEL
Nais ni Senador Chiz Escudero na palawigin ang Tulong Panghanap-buhay sa Ating Disadvantaged/Displaced Workers (TUPAD) program ng Department of Labor and Employment (DOLE) upang mas marami pa ang matulugang biktima ng kalamidad.
Sa deliberasyon ng 2024 budget ng DOLE, sinabi ni Escudero na kunin ang P500 milyon mula sa calamity fund ng Pangulo bilang Quick Response Fund (QRF) para sa DOLE para magamit sa TUPAD program upang makabangon mula sa trahedya ang mga tinamaan ng kalamidad.
“Your honor, may we suggest in the proper time that we carve out from the calamity fund of the President, an amount, as a QRF fund for the DOLE’s TUPAD to help areas affected by calamities to recover,” sabi ng senador.
“May I suggest P500 million… I don’t think the President will complain nor object because the Labor Secretary, at the end of the day, is his alter-ego,” giit nito.
Inihalimbawa pa ni Escudero ang ginawa nito noong gobernador pa ng Sorsogon na tinulungan ang mga nasasakupan nito hanggang sa tuluyang makabangon mula sa epekto ng bagyo kung saan malaking tulong ang pagpapalawig ng TUPAD para matulungan ang mga calamity victims.
“The deal was for them to not to clean or repair their own house but clean and repair the house of their neighbor and they can do it among themselves. This enabled our affected barangays at that time in Sorsogon to recover from calamity with their heads held up high and without really depending on dole outs and asking for help without giving anything in return,” sabi pa ni Escudero.
Sa kasalukuyan, ang TUPAD ay nagkakaloob ng emergency employment para sa mga displaced workers, underemployed at seasonal workers sa loob ng 10-araw subalit hindi lalagpas ng 30-araw.
Kabilang sa rekomendasyon ni Escudero sa pagpapalawig ng TUPAD program ay amiyendahan ang panuntunan ng TUPAD o isama sa special provisions na palawigin pa sa mahigit sa 90-araw trabaho ng mga benepisyaro hanggang sa makabangon.
Gayundin, pagpapalawig ng programa kabilang ang magulang at kapatid na magtrabaho ng 180-araw at hindi 90-araw days.
Suportado naman ni Senate President Pro Tempore Loren Legarda, ang sponsor ng budget ng DOLE, si Escudero sa magandang suhestiyon nito at nangakong isusulong nito ang special provision sa General Appropriations Bill upang mapalakas ang TUPAD program.
OnlineBalita news 