Samar niyanig ng magnitude 5.2

Ni MJ SULLIVAN

Niyanig ng malakas na paglindol ang probinsya ng Samar at karatig lalawigan ngayong araw, ayon sa Philippine Institute of Volcanology and Seismology (Phivolcs).

Ayon sa datos ng Phivolcs, dakong alas-12:57 ng tanghali nang maitala ang magnitude 5.2 na lindol na natukoy ang sentro sa layong 015 km timog silangan ng Calbiga, Samar at may lalim na 072 km at tectonic ang origin.

Naramdaman ang intensity V sa lungsod ng Borongan, Eastern Samar; Calbiga at syudad ng Catbalogan, Samar habang intensity IV naman sa Balangiga, Balangkayan, at Maydolong, Eastern Samar; Abuyog, Alangalang, Babatngon, Carigara, Dagami, Dulag, Jaro, La Paz, Mahaplag, Mayorga, Palo, Pastrana, Santa Fe, Tabontabon, Tanauan, Tolosa, at Tunga, Leyte; lungsod ng Tacloban.

Samantala, intensity III naman sa Hernani, Llorente, at Mercedes, Eastern Samar; Burauen, Julita, Kananga, at Leyte, Leyte; Basey, syudad ng Calbayog, Marabut, at Villareal, Samar; Hinunangan, Silago, at Sogod, Southern Leyte .

Habang intensity II sa Biliran, Cabucgayan, Culaba, at Naval, Biliran; Can-Avid at Guiuan, Eastern Samar; Albuera, Bato, lungsod ng Baybay, Calubian, Capoocan, Hilongos, Hindang, Inopacan, Isabel, Palompon, at Villaba, Leyte; Ormoc City; Rosario, Northern Samar; Daram, Hinabangan, Jiabong, Pinabacdao, San Jorge, San Jose De Buan, San Sebastian, Santa Margarita, Talalora, at Tarangnan, Samar; Malitbog at Tomas Oppus, Southern Leyte.

Naitala naman sa instrumental intensities ang intensity V sa Catbalogan, Samar; Intensity IV sa Can-Avid, Eastern Samar; Abuyog, Alangalang, Carigara, at Dulag, Leyte; Intensity III sa lungsod ng Cebu; Palo, Leyte; Basey, at Marabut, Samar; Hinunangan, at Sogod, Southern Leyte; Intensity II sa Talibon, Bohol; Culaba, Maripipi, at Naval, Biliran; Albuera, Burauen, Isabel, Kananga, at Leyte, Leyte; Ormoc City; Rosario, Northern Samar at intensity I sa Bulusan, Sorsogon; Argao, Asturias, Danao City, at lungsod ng Talisay, Cebu; Villaba, Leyte; Malitbog, Southern Leyte; Initao, Misamis Oriental; lungsod ng Surigao, Surigao del Norte.

Pinag-iingat ng Phivolcs ang mga residente ng nasabing mga lalawigan dahil sa inaasahang pagkakaroon ng aftershocks sa mga susunod na araw.

Samantala, inaalam pa kung may naapektuhan sa nasabing paglindol at kung may nasirang mga imprastrakturang gusali.