Ni NERIO AGUAS
Nakumpleto na ng Department of Public Works and Highways (DPWH) ang isang flood control structure sa bahagi ng Pampanga River sa Barangay Ligaya, Gabaldon, Nueva Ecija.
Sinabi ni DPWH Regional Office 3 Director Roseller A. Tolentino, sa kanyang ulat kay DPWH Secretary Manuel M. Bonoan at Undersecretary for Central Luzon Operations Roberto R. Bernardo, na ang natapos na protective structure ay isang 4-layered flood wall, na gawa sa stone-filled gabions na tinalian ng alambre.
Ang bagong kumpletong flood wall na umaabot sa 1.46 linear kilometers ay magsisilbing depensa ng mga mababang komunidad malapit sa Pampanga River laban sa potensyal na pag-apaw ng ilog dahil sa malakas na pag-ulan.
“The completion of the flood mitigation structure along this section of Pampanga River ensures protection of lives and properties, reduces damage to nearby farmlands, and minimizes crop and livestock losses during typhoon and monsoon seasons,” sabi ni Tolentino.
Ipinatupad ng DPWH Nueva Ecija Second District Engineering Office (DEO), ang istraktura ay itinayo sa halagang P77.1 milyon sa ilalim ng DPWH Flood Management Program na pinondohan ng 2023 General Appropriations Act (GAA).
OnlineBalita news 