Ni NERIO AGUAS
Inihayag ng Department of Labor and Employment (DOLE) na sa unang araw ng Disyembre ay magsasagawa ng malawakang job fairs sa buong bansa kasabay ng pagdiriwang ng founding anniversary ng ahensya.
Ayon sa DOLE, 21 job fair sites ang ipakakalat sa buong bansa na dadaluhan ng 340 employers na magbibigay ng nasa 28,136 bakanteng trabaho.
Kabilang sa top industries na lalahok sa job fairs ang nasa business process outsourcing (BPO), manufacturing, retail and sales, construction, at hospitality habang ang pangunahing trabaho ay sa customer service representatives, production workers/operators, cashiers, baggers, laborers, carpenters, painters, casino dealers, at service crew.
Sa Luzon, ang job fair sites ay sa National Capital Region na nasa Manila Science High School Auditorium, Taft Avenue, Manila (December 1); Barangay Hall, Barangay Poblacion, Pateros (December 7); Robinsons Metro East, Pasig City (December 5 sa local job fair; December 3 sa overseas job fair).
Habang sa Cordillera Administrative Region ay sa Sky Zone, Porta Vaga Mall, Baguio City, sa Disyembre 1. At sa Ilocos Region ay sa Robinsons Place Pangasinan, Calasiao, Pangasinan; Pangasinan Provincial Capitol, at sa Lingayen, Pangasinan sa Disyembre 7.
Samantala, sa Disyembre 2 ay isasagawa ang job fair sa Cagayan Valley partikular sa SM City Tuguegarao, Bagay Road, Tuguegarao City.
At sa Central Luzon sa Bataan Provincial Capitol, Balanga City, Bataan ay sa Disyembre 1; Waltermart, Cabanatuan City, Nueva Ecija. Disyembre 2 naman sa CALABARZON sa Lipa Academy for Sports, Culture and Arts (LASCA), Sto. Tomas-Lipa Road, Lipa City, Batangas.
Sa Bicol Region partikular sa SM City Legazpi, Legazpi City, Albay sa Disyembre 1. At sa Western Visayas ay sa SM City Iloilo, Iloilo City sa Disyembre 7 habang sa Central Visayas sa Taloto Covered Court, Barangay Taloto, Tagbilaran City sa Disyembre 2; at sa Poblacion, Madridejos, Cebu sa Disyembre 6); at sa SM Seaside, Cebu City sa Disyembre 8; at Disyembre 1 naman sa Eastern Visayas sa Tacloban City Convention Center, Tacloban City, Leyte.
Sa Mindanao, ang job fair sites ay sa Zamboanga Peninsula sa KCC Mall de Zamboanga, Gov. Camins Road, Zamboanga City, Zamboanga del Sur sa Disyembre 4; Northern Mindanao sa SM Uptown Cagayan de Oro, Mastersons Avenue, Cagayan de Oro City sa Disyembre 1 at Disyembre 2.
Sa Davao Region ay sa People’s Park Davao, Palma Gil St, Davao City sa Disyembre 2 at sa SOCCSKSARGEN ay sa Notre Dame of Marbel University sa Disyembre 14; Caraga sa Robinsons Place Butuan, Jose C. Aquino Ave., Butuan City sa Disyembre 1.
Payo pa ng DOLE sa mga job seekers na tiyakin na handa ang mga kinakailangang dokumento at application requirements tulad ng resume o curriculum vitae, certificate of employment sa mga dating may trabaho, diploma, transcript of records, training certificates, at iba pa.
OnlineBalita news 