Ni NOEL ABUEL
Sa layuning mabawasan ang paggamit ng imported chemical fertilizer kung saan gumagastos ang bansa ng P10 bilyon kada taon, muling namahagi si Senador Cynthia Villar ng composting facilities.
“The current global demand greatly affects the entry of fertilizer imports in our country. This caused limited local fertilizer supply that influenced the escalation of local prices,” giit ni Villar, chairperson ng Senate Agriculture and Food Committee.
Aniya, nasira ng super typhoon Ondoy ang nag-iisang gawaan ng fertilizer na nasa Leyte.
Naglaan si Villar ng taunang pambili ng composting facilities na ipinamimigay sa buong bansa ng Bureau of Soils and Water Management (BSWM), ang attached agency ng Department of Agriculture.
“Aside from the huge savings, a composting facility can help reduces the volume of trash thrown in dumpsites,” ani Villar sa turn-over at launching ng paggamit ng tatlong composting facilities sa Brgy. Zapote 5, Bacoor City, Cavite, noong nakalipas na Nobyembre 25.
“A composting facility turns bio-degradable wastes like kitchen wastes into organic fertilizer. Each composter can produce one ton organic fertilizer per month,” ayon kay Villar.
Binigyan ng senador ang kanyang home city- ang Las Piñas ng 89 composting facilities kung saan nabawasan ang gastos ng local government sa waste disposal at nakatipid pa ng P300 milyon kada taon.
Nanawagan din si Villar sa publiko na samahan ito sa kanyang adhikaing isang malinis at malusog na kapaligiran kasabay ng pagbibigay ng hanapbuhay sa mga Filipino at savings sa bansa.
OnlineBalita news 