Ni NOEL ABUEL
Patuloy na dumarami ang bilang ng mga miyembro ng Partido Demokratiko Pilipino-Lakas ng Bayan (PDP-Laban) ang nagsisilipatan sa Lakas Christian-Muslim Democrats (Lakas-CMD).
Nabatid na kasama rin sa lumipat sa Lakas-CMD ang isang mambabatas mula sa National Unity Party (NUP) kung saan sa kasalukuyan ay nasa 92 ang kabuuang bilang ng ruling party.
Kabilang sa mga lumipat sina Zamboanga del Sur, First District Reps. Divine Grace Yu at si Lanao del Norte Rep. Mohamad Khalid Q. Dimaporo na dating miyembro ng PDP-Laban, at si Lapu-Lapu City Rep. Ma. Cynthia “Cindi” Chan, ng NUP, na pawang nanumpa bilang miyembro ng Lakas-CMD, kasama ang 18 alkalde mula sa Zamboanga del Sur.
Personal na pinangunahan ni House Speaker Martin G. Romualdez, Lakas-CMD president, ang pagpapanumpa sa mga bagong miyembro ng partido.
“We are pleased to welcome Reps. Divine Grace, Cindi and Khalid to Lakas-CMD. Our shared ideals of service to the people and being responsive to the needs of the country unite us all. Our commitment to support President Marcos Jr. and his legislative agenda also binds us,” sabi ni Romualdez, lider ng 315 miyembro sa Kamara.
“We also welcome our new members from Zamboanga del Sur. Let us continue working for the welfare of the Filipino people, for the growth of the Philippine economy, and for the protection of the sovereignty of our country. Sama-sama nating ipakita ang ating pagmamahal sa bayan bilang isang nagkakaisang partido,” sabi nito.
Una nang naging miyembro ng Lakas-CMD sina Masbate Reps. Richard Kho, Olga Kho, at Wilton Kho.
Bago nito, 10 pang dating PDP-Laban officials and members ang lumayas at sumanib sa Lakas-CMD kabilang sina Senior Deputy Speaker at Pampanga Rep. Aurelio “Dong” D. Gonzales Jr., Pampanga Rep. Carmelo “Jon” B. Lazatin II, Siquijor Rep. Zaldy S. Villa, Parañaque City 1st District Rep. Edwin L. Olivares, Pasay City Lone District Rep. Antonino G. Calixto, Zamboanga del Norte 2nd District Rep. Glona G. Labadlabad, Cebu 2nd District Rep. Eduardo Roa Rama Jr., Camarines Norte, 2nd District Rep. Rosemarie Conejos Panotes, Agusan del Norte 2nd District Rep. Dale B. Corvera, at Caloocan City 2nd District Rep. Mary Mitzi Cajayon-Uy.
Habang sina dating Nacionalista Party members Nueva Ecija 1st District Rep. Mikaela Angela Suansing at Cagayan de Oro City 1st District Rep. Lordan G. Suan ang sumanib sa Lakas-CMD.
Sa nasabi ring oath-taking ceremony, ang mga alkalde mula sa Zamboanga del Sur ang nanumpa sa Lakas-CMD kabilang sina;
- Mayor Silvano Zanoria – Aurora
- Mayor Gerry T. Paglinawan – Dumingag
- Mayor Catalino A. Adapon – Josefina
- Mayor Manuel Saladaga – Mahayag
- Mayor Elmer M. Soronio – Midsalip
- Mayor Cyril Reo Glepa – Molave
- Mayor Margie A. Machon – Ramon Magsaysay
- Mayor Johnriel D. Melo – Sominot
- Mayor Macario Tingson – Tukura
- Mayor Avelino J. Yrauda – Dimataling
- Mayor Eleazar Y. Asoy – Dinas
- Mayor Domingo V. Mirrar – Lakewood
- Mayor Joel B. Sulong – Lapuyan
- Mayor Alejandro E. Agua III – Margosatubig
- Mayor James L. Yecyec – Pitogo
- Mayor Ex D. Ocapan – San Miguel
- Mayor Anthony A. Dayondon – Tabina
- Mayor Eleazar C. Carcallas – Tigbao
Ang oath-taking ceremony ay ginawa sa Social Hall ng Office of the Speaker sa Batasan Complex sa Quezon City.
Naging testigo sa panunumpa ng mga bagong miyembro ng partido sina House Majority Leader at Zamboanga City 2nd District Rep. Manuel Jose “Mannix” M. Dalipe, Senior Deputy Speaker at Pampanga 3rd District Rep. Aurelio “Dong” Gonzales, Jr., at Lakas Secretary General at Agusan del Norte 1st District Rep. Jose “Boboy” Aquino II.
Kasama rin na naging saksi sa panunumpa ng bagong miyembro ng Lakas-CMD si Pampanga 2nd District Rep. at Lakas Chairperson emeritus Gloria Macapagal Arroyo.
OnlineBalita news 