Ni NERIO AGUAS
Ipinapatapon na palabas ng bansa ng Bureau of Immigration (BI) ang 180 Chinese nationals na kabilang sa mga naaresto ng Presidential Anti-Organized Crime (PAOCC) at ng Philippine National Police (PNP) Women and Children Protection Center (WCPC) sa isang Philippine Offshore Gaming Operators (POGOs) sa Pasay City.
Ayon kay BI Commissioner Norman Tansingco, ang nasabing mga Chinese nationals ay sabay-sabay na dinala sa Ninoy Aquino International airport (NAIA) Terminal 1 bago isinakay sa Philippine airlines flight patungong Shanghai, China.
Sinasabing ang mga dayuhan, na nakita sa loob ng Smart Web Technology Corp., ay sangkot sa human trafficking tulad ng prostitusyon at labor-exploitation.
“Their activities are contrary to local laws and public interest, hence making them undesirable aliens,” sabi ni Tansingco.
Ayon pa sa BI, naglabas ng summary deportation order laban sa 180 Chinese nationals dahil sa pagiging undocumented at undesirable aliens.
“We will not tolerate foreign nationals who abuse our hospitality and use our land for their unscrupulous activities. Foreigners who blatantly violate our laws will face deportation and blacklisting,” babala pa ng BI.
OnlineBalita news 