Ni NOEL ABUEL
Binigyang pagkilala ni Senador Cynthia Villar ang mahalagang ginagampanang papel ng mga kababaihan sa law enforcement.
Naging guest speaker ang senador, kilalang advocate ng women empowerment, sa forum na “Women in Law Enforcement: Achievements, Lessons & Challenges Ahead International Criminological Research and Public Safety Conference” na idinaos sa Camp Crame sa Quezon City.
Aniya, nagbibigay ang mga kababaihan ng bagong pananaw at mahalagang kasanayan, kaakibat ang kakaibang pagkilala para sa kaunlaran at pagiging epektibo ng law enforcement.
“Indeed, the positive role of women in the Philippine National Police is undeniable. They contribute new perspectives and effective approaches to problem-solving that help build trust within the communities they serve,” sabi ni Villar.
Sinabi nito na madalas makatulong ang payapang pakikipag-usap ng mga kababaihan sa paglutas sa anumang hamon.
“The understanding and care they bring to incidents involving violence against women and children are invaluable. Beyond their day-to-day duties, our police women serve as inspiration, breaking stereotypes and encouraging more female to join the police force,” sabi pa ni Villar.
Sinabi rin nito na nakabubuti sa pagganap ng tungkulin ng PNP ang pinagsanib na puwersa ng mga kababaihan at kalalakihan sa serbisyo.
“Clearly, women are key to PNP’s ongoing efforts to improve law enforcement throughout the country,” ayon pa kay Villar.
Binanggit din nito na tinatanggal ng babaeng police officers ang mga hadlang sa gawaing dating lalaki lamang ang gumagawa.
“Women are leading police stations, spearheading drug enforcement units, and acting as public,” aniya pa.
Sa record, sa 17 police regional offices, 14 na information officers ay pawang kababaihan.
“Bagama’t nagpapakita ang ating policewomen ng katatagan, marami pa rin silang hinaharap na hamon. They are breaking through gender stereotypes in a male-dominated profession and striving for more representation in leadership,” pahayag pa ni ni Villar.
Base sa rekord, noong December 2023, may 41,780 policewomen na 18.32% ng 228,000- member police force.
Sa bilang na ito, 2,978 ang commissioned officers samatalang 38,802 ang non-commissioned officers.
OnlineBalita news 