Ni NERIO AGUAS
Iniulat ng Department of Public Works and Highways (DPWH) na naglagay na ito ng mga road safety devices sa 5.18 kilometrong bahagi ng Tarlac Ecotourism Park Access Road sa San Jose, Tarlac Province.
Sa kanyang ulat kay DPWH Secretary Manuel M. Bonoan, sinabi ni DPWH Tarlac 1st District Engineer Neil R. Farala na ang paglalagay ng LED street lights, warning and informative signages, at solar pavement markers at engineering safety measures upang lumikha ng mas ligtas na mga kalsada para sa mga motorista.
“To deliver our commitment to improve road safety, we will continue to assess and efficiently address issues on accident-prone roads to minimize if not totally eradicate the risk of accidents,” sabi ni Farala.
Sa paglipas ng mga taon, itinuloy ng DPWH ang pag-upgrade ng kalidad at safety measures ng tourism access roads upang higit na hikayatin ang mga bisita at mamumuhunan, sa gayo’y itaguyod ang paglago ng ekonomiya dala ng pagdagsa ng mga turista.
Ang pagkumpleto ng P100.3 milyong proyekto ay pinondohan sa ilalim ng Special Road Fund – Motor Vehicle User’s Charge (MVUC) bilang bahagi ng General Appropriations Act of 2023 (GAA).
OnlineBalita news 