Romualdez kay Sen. Marcos: Dayalogo at respeto kailangan

Ni NOEL ABUEL

“Ang pakiusap ko lang kay Senator Imee. Hindi po kailangan ng bastusan. Pinakikinggan tayo ng mga kabataan at hindi magandang ehemplo ang ganito.”

Ito ang ipinabatid ni Speaker Ferdinand Martin Romualdez kay Senador Imee Marcos hinggil sa naging pahayag nito sa pagdinig ng Senate Committee on Electoral Reforms and People’s Participation na duminig sa sinasabing suhulan at paggamit ng ayuda kapalit ng lagda para sa people’s initiative.

“In response to the recent comments made by Senator Imee Marcos, I would like to address this matter with the utmost respect and civility that it deserves. Family ties in Philippine politics are deeply rooted, and while differences in opinions are inevitable, it is essential to approach these differences with a spirit of constructive dialogue and mutual respect,” ayon kay Romualdez.

“The phrase “Walang gamot sa kakapalan ng mukha mo” (There is no cure for your shamelessness), as expressed by Senator Marcos, reflects a passionate stance on issues we both care deeply about. As public servants, our primary focus should always be on the welfare of our constituents and the progress of our nation. It is in this light that I choose to interpret her words as a call to engage more deeply in our shared commitment to serve the Filipino people,” dagdag nito.

Aniya, sa diwa ng pagkakaisa at pagtutulungan, bukas ito na makibahagi sa makabuluhang talakayan kay Marcos upang tugunan ang anumang alalahanin at magtulungan para sa ikabubuti ng bansa.

Ito aniya ay sa pamamagitan ng bukas na komunikasyon at pagtutulungan na pinakamahusay na mapagsilbihan ang interes ng taumbayan.

“Our nation faces many challenges, and it is more crucial than ever that we, as leaders, set an example of respect, understanding, and cooperation. I am committed to maintaining a professional relationship with all my colleagues in the government, including Senator Marcos, as we work towards our common goal of a prosperous and inclusive Philippines,” saad pa nito.

“Tapusin na po natin ang bangayan. Mag-trabaho na lamang po tayo. Para na rin sa kapakanan ng mga kapwa natin Pilipino,” dagdag ni Romualdez.

Sa pagdinig, ipinakita ang isang larawan na nagpapakita na kasama si Romualdez ng mga nagsusulong at organizers ng people’s initiative.

Sinabi ni Noel Oñate, ang PIRMA national convener, na humingi ito ng tulong kay Romualdez para atasan ang mga kongresista na isulong ang PI sa mga nasasakupang distrito ng mga ito.

Sa pahayag ni Oñate, administrative at advisory lamang ang ibinigay ni Romualdez bilang chief executive officer ng Kamara at walang personal na kinalaman sa PI.

At ang pondong ginamit aniya ng mga ito ay mula sa sariling pera ni Oñate at ng mga sponsors nito na nagkakahalaga ng P55 milyon.