Ni NERIO AGUAS
Inaresto ng mga tauhan ng Bureau Immigration (BI) ang isang Chinese national dahil sa illegal na pagtatrabaho sa bansa.
Kinilala ang nasabing dayuhan na si Ding Xiaoqui, 42-anyos, na dinakip sa bisa ng mission order na inilabas ni BI Commissioner Norman Tansingco.
Nabatid na ang pagdakip ay isinagawa sa tulong ng BI regional intelligence operations unit (RIOU) 5 kasama ang government intelligence operatives at ng Naval Forces Southern Luzon (NFSL).
“The BI is steadfast in upholding the integrity of our immigration laws. This successful operation sends a clear message that violations will be met with swift and decisive action,” sabi ng BI chief.
Ang kaso ay nagmula sa intelligence information na nagsasabing si Ding ay nagpapatakbo ng construction supply hardware store sa Albay, sa kabila ng pagkakaroon ng working visa na sponsor ng isang kumpanya sa Cubao.
Ayon sa BI, ang ginawa ng naturang dayuhan ay tahasang paglabag sa Philippine immigration laws.
Binigyan-diin ni BI Intelligence Division chief, Fortunato Manahan, Jr., ang kahalagahan ng collaborative efforts sa pagtiyak ng pagpapatupad ng mga regulasyon ng ahensya.
“This operation showcases the effectiveness of interagency coordination. We appreciate the contributions of our counterparts in providing valuable intelligence for a seamless execution,” sabi ni Manahan.
OnlineBalita news 