Ni NERIO AGUAS
Natapos na ng Department of Public Works and Highways (DPWH) ang river wall project sa Magat River sa Barangay Bonfal Proper, Bayombong, Nueva Vizcaya.
Itinayo ng DPWH Nueva Vizcaya First District Engineering Office, ang proyekto ay nagtatampok sa 512-linear meter concrete structure na binubuo ng anchorage, embankment, mattresses, gabions, at spur dike, na nagsisilbing hadlang sa pag-apaw ng Magat River.
Iniulat ni DPWH Nueva Vizcaya First District Engineer Marifel T. Andes kay Secretary Manuel M. Bonoan na ang bagong itinayong river water defense wall ay magbibigay ng proteksyon sa mga tahanan, kabuhayan, at mahahalagang imprastraktura sa kahabaan ng mababang bahagi ng Magat River.
“The new Bonfal Proper Flood Control Project will significantly protect against flooding,” sabi ni Andes.
Ang flood control project na natapos gamit ang pondong P50 milyon sa ilalim ng 2023 General Appropriations Act (GAA).
OnlineBalita news 