Sa Women’s Month: Kababaihan susi sa pag-unlad ng ekonomiya — solon

Ni NOEL ABUEL

Muling pinatunayan ni House Deputy Minority Leader at Bagong Henerasyon party list Rep. Bernadette Herrera ang kanyang pangako na pagtataguyod ng mga karapatan at empowerment ng kababaihan kasabay ng paggunita ng bansa ng Women’s Month, na ipinagdiriwang tuwing Marso sa Pilipinas.

“As we embark on Women’s Month, let us renew our collective commitment to the pursuit of gender equality and the empowerment of women,” sabi ni Herrera.

“Together, let us endeavor to cultivate a society where every woman and girl can thrive and contribute meaningfully to the advancement and prosperity of our nation,” dagdag nito.

Mula nang mabuo noong 1988, ang Women’s Month ay nagsilbing plataporma upang kilalanin ang napakahalagang kontribusyon ng mga kababaihan sa lipuna habang nagbibigay-liwanag sa patuloy na pakikibaka na kanilang tinitiis.

Ang pagdiriwang sa buong mundo ng International Women’s Day tuwing Marso 8, na itinalaga ng United Nations bilang isang pagkakataon upang magtaguyod para sa civil and human rights pati na rin ang gender equality.

Si Herrera, na kilalang tagapagtaguyod para sa mga karapatan ng kababaihan at pagkakapantay-pantay ng kasarian, ay kinikilala ang kahalagahan ng buwan na ito at ang oportunidad sa kasalukuyan at ito ay nagtatanghal upang isulong ang ipinaglaban ng mga kababaihan sa lipunan.

“Women’s Month serves as a reminder of the invaluable contributions women have made throughout history and continue to make in various fields, including politics, science, arts, and business,” ayon kay Herrera.

“It is a time to reflect on the progress achieved in promoting women’s empowerment and to address the challenges that still persist,” giit nito.

Naniniwala si Herrera na ang pagbibigay ng halaga sa mga kababaihan ay hindi lamang isang bagay ng pagiging patas, kundi pati na rin ang pangunahing susi ng pag-unlad ng panlipunan at ekonomiya.

Sa buong karera niya bilang isang mambabatas, si Herrera ay isang vocal proponent ng batas na naglalayong itaguyod ang mga karapatan ng kababaihan at gender equality.

Ipinaglaban nito ang mga panukalang batas na naglalayong tugunan ang gender-based violence, itaguyod ang pantay na suweldo, pahusayin ang access ng kababaihan sa edukasyon at pangangalagang pangkalusugan, at pagsuporta sa pagnenegosyo ng kababaihan.

Una nang ipinanukala ni Herrera ang 105-Day Expanded Maternity Leave Act, na nagpaabot ng mahalagang suporta sa mga nagtatrabahong ina sa buong bansa.

Ginampanan din nito ng isang mahalagang papel sa pagtataguyod para sa panukalang batas na nagbabawal sa pag-aasawa ng bata, isang makabuluhang hakbang patungo sa pangangalaga sa mga karapatan ng mga batang babae sa bansa.

Ang batas na ito ay matagumpay na naisabatas bilang batas noong termino ni dating Pangulong Rodrigo Duterte.

Hinikayat ni Herrera ang lahat na makiisa sa pagdiriwang ng Women’s Month at aktibong lumahok sa mga kaganapan at aktibidad na inorganisa sa buong buwan.

“I am honored to be part of the celebration of Women’s Month, and I am committed to continue advocating for the rights and empowerment of women,” ayon kay Herrera.

“Let us seize this opportunity to reflect on the achievements and challenges faced by women, and let us work together to build a more inclusive and equitable society,” dagdag nito.