Ni NOEL ABUEL
Inihain ni OFW party list Rep. Marissa “Del Mar” Magsino ang resolusyon para maimbestigahan ang dumaraming suliranin sa Ninoy Aquino International Airport (NAIA) kabilang ang mga insekto at daga.
Sa House Resolution 1615, nais ni Magsino na tingnan at tugunan ang mga iniulat na suliranin tungkol sa pagkakaroon ng mga peste at vermin, pagsisikip ng trapiko sa loob ng airport complex at mga katabing lugar, at ang mahabang pila sa immigration checking counters na nakakaapekto sa kaginhawahan at kalusugan ng mga naglalakbay na pasahero at nakakasira sa imahe ng bansa sa buong mundo.
Ang panawagan para sa imbestigasyon ay kasunod ng mga viral video at mga reklamo na nagpapakita ng mga insidente ng bed bug bites, at nakakita ng mga daga at ipis sa loob ng mga terminal ng NAIA.
Bagama’t ang mga insidenteng ito sa simula ay nagtatampok sa kabiguan ng pest control at maintenance systems, ang mga ito ay nagpapataas ng mas makabuluhang mga alalahanin tungkol sa public health safety.
Dagdag pa sa pinagsasama-samang problema sa NAIA ay ang negatibong reputasyon nito sa buong mundo, na nakakaapekto naman sa karangalan ng bansa at sa mga prospect ng industriya ng turismo ng Pilipinas.
“We recognize that the officials of the Manila International Airport Authority (MIAA) immediately addressed the complaints on bed bugs, rats, and cockroaches in NAIA. However, given the repeated problems in NAIA and its tag as one of the world’s worst airports, we have to look into the compounded issues, more so since NAIA has revenues to address basic operational concerns such as sanitation and congestion. Bugbog na ‘yung imahe ng ating bansa bilang tourism destination dahil sa paulit-ulit na isyu sa NAIA na siyang main gateway ng ating turismo, at isa ring mahalagang susi sa ating labor migration bilang pinto ng migration corridors sa pagitan ng Pilipinas at mga host countries,” paliwanag ni Magsino.
Batay sa mga tala, ang pagtaas ng trapiko ng pasahero sa NAIA ay nagdulot ng pagsisikip sa loob ng airport complex at mga nakapaligid na kalsada.
Ang dami ng pasahero ng paliparan ay iniulat din na lumampas sa kapasidad ng disenyo nito ng 40%, na humahantong sa pagsisikip ng runway at pagkaantala ng mga flight.
“Nagreresulta ito sa abala sa paglalakbay, pag-aaksaya ng gasolina, at mga panganib ng hindi nakuhang iskedyul ng paglipad, lalo na para sa mga overseas Filipino workers (OFWs) na kailangang sumunod sa mga mahigpit na iskedyul ng deployment at mga return-to-work order,” sabi nito.
“Sa Fiscal Year 2023, napabalitang umabot sa higit na 3 bilyong piso ang net income ng MIAA mula sa mga terminal fees, concession privileges, at aeronautical fees. Kaya’t tayo’y nagtataka kung bakit ang sanitation at traffic congestion sa palibot ng NAIA ay malaking isyu kung may pondo naman sa maayos na pagpapatakbo ng ating paliparan. Nais lamang natin malaman ang puno’t dulo nito upang magkaroon ng komprehensibong solusyon. Sa pagsalang ng hearing, mabibigyan din ng pagkakataon ang ating MIAA officials na ipaliwanag ang kanilang mga hakbang na ginagawa. In the end, we all just want to push for NAIA’s competitiveness as an international gateway and safeguard the interests of passengers, especially our OFWs,” pahayag pa ni Magsino.
Batay sa mga tala, ang pagtaas ng trapiko ng pasahero sa NAIA ay nagdulot ng pagsisikip sa loob ng airport complex at mga nakapaligid na kalsada.
Ang dami ng pasahero ng paliparan ay iniulat din na lumampas sa kapasidad ng disenyo nito ng 40%, na humahantong sa pagsisikip ng runway at pagkaantala ng mga flight.
Nagreresulta ito sa abala sa paglalakbay, pag-aaksaya ng gasolina, at mga panganib ng hindi nakuhang iskedyul ng paglipad, lalo na para sa mga overseas Filipino workers (OFWs) na kailangang sumunod sa mga mahigpit na iskedyul ng deployment at mga return-to-work order.
OnlineBalita news 