Ni MJ SULLIVAN
Niyanig ng malakas na paglindol ang ilang lugar sa Mindanao, ayon sa Philippine Institute of Volcanology and Seismology (Phivolcs).
Ayon sa Phivolcs, ganap na alas-5:15 ng madaling-araw nang tumama ang magnitude 5 na lindol sa natukoy ang sentro sa layong 005 km timog kanluran ng Jose Abad Santos, Davao Occidental.
May lalim itong 169 km at tectonic ang origin.
Sa instrumental intensities, naitala ang intensity III sa Don Marcelino, Davao Occidental; Malungon, Sarangani at intensity II sa Alabel, Maasim, Sarangani; Digos City, Davao del Sur.
Habang intensity I naman sa Tupi, T’Boli, South Cotabato; Glan, Kiamba, Sarangani; Matanao, Davao del Sur.
Wala namang naging epekto ang nasabing lindol dahil sa malalim ito sa lupa subalit asahan ang pagkakaroon ng mga aftershocks sa mga susunod na araw.
Samantala, dakong alas-9:59 ng gabi nang maitala ang magnitude 4.9 sa layong 041 km hilagang kanluran ng Datu Blah T. Sinsuat, Maguindanao Del Norte.
May lalim itong 021 km at tectonic ang origin.
Naitala ang intensity III sa Datu Blah T. Sinsuat, Maguindanao; Siayan at Sindangan, Zamboanga Del Norte; Alicia, Buug, at Diplahan, Zamboanga Sibugay; Pigkawayan, Cotabato; Kalamansig at Lebak, Sultan Kudarat.
Intensity II naman sa Bacungan, lungsod ng Dipolog, Labason, Liloy, Mutia, Sergio Osmeña Sr., at
Tampilisan, Zamboanga del Norte; Molave, syudad ng Pagadian, at Mahayag, Zamboanga del Sur; syudad ng Zamboanga; Kapatagan, Lanao del Norte; Malabang, Lanao del Sur, Datu Odin Sinsuat, Maguindanao at lungsod ng Cotabato.
Habang intensity I sa Polanco, Zamboanga del Norte; Ipil, Zamboanga Sibugay; syudad ng Iligan; at syudad ng Ozamis, Misamis Occidental.
Sa instrumental intensities, naitala ang intensity III sa Sindangan, Zamboanga del Norte; Lebak, Sultan Kudarat at intensity II sa Molave, Zamboanga del Sur; syudad ng Zamboanga at intensity I naman sa Liloy, Zamboanga del Norte; Kapatagan, Lanao del Norte; Pikit, Cotabato; at Norala, South Cotabato.
OnlineBalita news 