Ni KAREN SAN MIGUEL
Pormal nang itinalaga ni Pangulong Ferdinand “Bongbong” Marcos Jr. si PMGen. Rommel Francisco Marbil bilang bagong pinuno ng Philippine National Police (PNP) kapalit ng nagretiro nang si retired PGen. Benjamin Acorda Jr.
Sa ginanap na retirement honors at change of command ceremony ngayong araw sa Camp Crame na pinangunahan mismo ni Pangulong Marcos, tinanggap ni Marbil, ang ika-30 hepe ng PNP, ang bagong posisyon.
“Police Major General Rommel Francisco Marbil is designated as the chief PNP effective April 1, 2024 by the direction of President Ferdinand “Bongbong” Marcos Jr.,” sa appointment ni Marbil.
Magugunitang itinalaga ng Palasyo ng Malakanyang si PLTGen. Emmanuel Peralta bilang officer in charge ng Philippine National Police (PNP) noong Marso 31, 2024 sa pagtatapos ng pagpapalawig ng serbisyo ni Acorda noong nakalipas na Linggo.
Si Acorda at Marbil ay mag-mistah dahil kapwa miyembro ang mga ito ng PMA SAMBISIG Class of 1991.
“I hereby assume the position as Chief Philippine National Police effective April 1, 2024,” sabi ni Marbil.
Bago ang kanyang appointment biang bagong pinuno ng PNP, si Marbil ay naging pinuno ng PNP Directorate for Comptrollership (DC), director of Police Regional Office 8 sa Eastern Visayas, at hepe ng PNP Highway Patrol Group.
Inaasahang magsisilbing PNP chief si Marbil hanggang sa pagreretiro nito sa Pebrero 7, 2025 kung saan naabot nito ang mandatory retirement age na 56-anyos.
Sa kanyang pahayag, sinabi ni Marbil sa kanyang pamumuno, isesentro nito pagpapabuti ng PNP at paglaban sa local at transnational crimes gayundin ang pagpapahusay ng public trust.
“First, the quality of leadership, knowledge, ability, and professionalism within the ranks. Second, expanding our ability to uphold the law, maintain order, and fight local and transnational crimes in all forms and manifestations. To this end, we commit to utilizing the best and innovative practices in law enforcement,” sabi nito.
“And third, but not the least, we will strive to increase the level of trust that the people we protect have in us. We will focus on increased community satisfaction in our work as a key benchmark of our progress,” dagdag pa ni Marbil.
OnlineBalita news 