Ni NOEL ABUEL
Pinuri ni Senador Ramon Bong Revilla Jr. si Pangulong Ferdinand Bongbong Marcos, Jr. sa pagbuo nito ng inter-agency committee na mangangasiwa sa pagkuha ng mga right-of-way (ROW) ng iba’t ibang railway projects.
Sa ilalim ng Administrative Order No. 19 s. 2024 na kamakailan lamang nilagdaan ni PBBM, ang Inter-Agency Committee para sa ROW Activities para sa National Railway Projects ay inatasang pag-aralan at suriin ang isang mabisang at pakikipagtulungang mekanismo upang mapabilis ang proseso ng pag-asikaso ng lupa na kinakailangan para sa implementasyon ng lahat ng mga railway projects.
“Binabati po natin ang Pangulong Bongbong Marcos sa kanyang desisyon para mapabilis ang matagal nang naaantalang mga proyekto patungkol sa railway,” ang pahayag ng chairman ng Senate Committee on Public Works.
Ang nabanggit na komite ay pangungunahan ng kalihim ng Department of Transportation (DOTr) at magiging co-chaired naman ng kalihim ng Department of Human Settlements and Urban Development.
Ang bagong buong komiteng ito ay may mandato rin na tukuyin ang angkop na mga serbisyo o programa tungkol sa pag-asikaso ng lupa tulad ng kabuhayan, pagbabalik ng kita, at resettlement.
Bukod dito, may kapangyarihan itong pagsamahin at patakbuhin ang mga sangay ng ahensiya upang mapabilis ang pagbabadyet, pag-uusap at pagresolba ng mga isyu ng reklamo, at pagbuo ng mga teknikal na grupo ng trabaho.
“Our President is really both a visionary and a realist. Sinisiguro niya na ang mga pangarap makamit ng ating bansa ay naka-angkla sa konkretong plano at aksyon. PBBM is really bringing our country to greater heights. With this new committee to focus on right-of-way, we see more railway projects coming into reality,” sabi pa ni Revilla.
OnlineBalita news 