Ni NOEL ABUEL
Tiniyak ni Senador Cynthia Villar na mabibigyan ng prayoridad ang mga mangingisdang humaharap sa hamon sa West Philippine Sea (WPS).
Ayon sa senador dahil nagmumula sa West Philippine Sea ang malaking porsiyento ng isda sa bansa, kailangan ang “balikatan” para protektahan ito.
“As chairperson of the Senate Committee on Agriculture, hold on to my goal of crafting laws to help in the fishing sector’s growth. Let us unite to alleviate the living conditions of our farmers,” sabi ni Villar sa kanyang keynote address sa inilunsad na Layag-WPS Project sa Subic Gymnasium sa Zambales, nitong Martes, April 16.
“The Livelihood Activities to Enhance Fisheries Yields amd Economic Gains from the WPS or LAYAG-WPS project was the result of the dedication of our government led by the Department of Agriculture-Bureau of Fisheries and Aquatic Resources, to address some of the most important needs of our fishermen particularly in the WPS,” dagdag pa ni Villar.
Umaasa si Villar na ang livelihood inputs na ipinagkaloob sa daan-daang mangingisda ay magreresulta sa masagana at sustainable fish catch sa ating territorial waters.
“DA-BFAR designed this livelihood involvement with the vision of uplifting the socio-economic status of every Filipino fisherfolk and their communities,” aniya pa.
Ipinakikita rin sa launching ang mga pangako ng pamahalaan na bigyan ang mga mangingisda ng fishing gears at technology para paigtingin ang kanilang produksyon.
Layunin din nito na maibaba ang post-harvest losses at ilapit ang suporta ng pamahalaan sa fishing communities; itaguyod ang sustainable fisheries management base sa applicable na batas, codes, authorizations o rules at iangat ang fisheries production para makatulong sa adhikain ng pamahalaan na food security.
Sinimulan ng gobyerno ang proyekto upang mabigyan ng mabuting buhay ng mga mangingisda.
Binigyan diin ni Villar na nais din ng pamahalaan na siguraduhin ang proteksyon at kapakanan ng bawat Pilipinong mangingisda.
OnlineBalita news 