Ni NOEL ABUEL
Nanawagan si Senador Cynthia Villar sa mga kabataan na maging ‘protectors’ ng kapaligiran lalo na sa mga ‘protected areas’ ng bansa tulad ng Las Piñas Parañaque Wetland Park (LPPWP).
Kasabay nito, pinuri ng senador na “Wetland Heroes” ang mga lumahok sa kanilang Facebook Reel-making contest tungkol sa LPPWP.
“You are all winners to me because by making your videos and promoting this wetland, you are being our “Wetland Heroes,” ayon kay Villar.
Sa kanyang pananalita sa pagdiriwang ng Earth Day 2024 at 17th Establishment Anniversary ng LPPWP, noong Sabado, Abril 20, kinilala rin ni Villar ang malaking papel na ginagampanan ng mga kabataan sa pag-aalaga sa kalikasan.
“The youth inherit this ecological treasure so that your active participation to conserve and preserve our environment is very crucial,” sabi ni Villar sa mga kabataan mula sa Brgy. Alamanza Dos, Las Piñas na sumali sa “Nature Trip” sa LPPWP at clean-up coastal shore ng bantog na Manila Bay.
“Please educate yourselves about its unique biodiversity, which you can proudly claim as your own. Engage in community activities, like what you are doing now, and also in future initiatives, such as mangrove planting, bird watching, nature appreciation walks, and educational programs, ” pahayag pa ni Villar.
Hinikayat din nito ang mga kabataan na gamitin ang social media upang pukawin ang kaalaman at magbigay ng inspirasyon sa iba upang kumilos.
Tiniyak ni Villar, chairperson ng Senate Committee on Environment ang kanyang buong suporta pati na rin ang suporta nina Senador Mark Villar at Las Piñas Rep. Camille Villar sa mga kabataang magbabalak ng kabilang gawain sa wetland na itinanghal ng UNESCO bilang “Wetland of International Importance.”
“You must remember that protecting out environment is our responsibility I urge all of you to be proactive in protecting our very own Las Pinas Paranaque Wetland Park,” ani pa ng senador.
Umapela rin ito na palagiang bisitahin ang LPPWP, na isang impressive piece of nature.
OnlineBalita news 