Ni NOEL ABUEL
Umani ng pagbati mula sa mga senador at kongresista ang pagkakahirang kay Senador Juan Edgardo “Sonny” Angara bilang bagong kalihim ng Department of Education (DepEd).
Nagkakaisang sinabi nina Senate President Chiz Escudero, Senate Majority Leader Francis Tolentino, Senador Ramon “Bong” Revilla Jr., Senador Loren Legarda, Senate Pro Tempore Jinggoy Estrada, Senador Sherwin Gatchalian at Senador Nancy Binay na tama ang naging desisyon ni Pangulong Ferdinand Marcos Jr. kay Angara.
“The President made the right decision. Hindi nagkamali ang ating mahal na Pangulong Bongbong Marcos sa pagpili sa ating bagong secretary ng DepEd, Sen. Sonny Angara! Batid natin ang kanyang kakayahan at kaalaman. Tiyak na magiging instrumento siya sa pagtugon sa mga pangangailangan ng ating DepEd,” sabi ni Revilla.
Ayon naman kay Escudero, ‘well-deserved’ ang appointment ni Angara bilang DepEd secretary bilang kapalit ng nagbitiw na si Vice President Sara Duterte kamakailan.
“My heartfelt congratulations to Senator Sonny Angara on his appointment. This significant role reflects his extensive experience and unwavering commitments to improving our nation’s educational system,” aniya.
“Secretary Angara’s task ahead is indeed gargantuan, but I have full confidence in his ability to lead the DepEd with excellence and integrity. His proven track record in legislative work, particularly in education reform, uniquely positions him to address the challenges and opportunities that lie ahead. His background in both Philippine and international education systems equips him with the necessary perspective and expertise to elevate our educational standards,” dagdag pa ni Escudero.
Sinabi naman ni Estrada na hindi matatawaran ang kakayahan ni Angara lalo na sa usapin ng pagpapahusay sa educational system.
“Hindi maitatanggi na ang pagpursigi niya sa pagsasabatas ng Universal Access to Quality Tertiary Education Act na nagbigay-daan para maging libre ang tuition at iba pang fees sa mga state universities and colleges ay malaki ang ambag para maabot ng marami nating kabataang Pilipino ang kanilang pangarap na makapagtapos sa pag-aaral at mabigyan ng dekalidad na edukasyon,” sabi ni Estrada.
Ganito rin ang pahayag ni Legarda at Tolentino sa pagsasabing si Angara ay isa sa mga senador na masipag sa tungkulin sa Senado.
“I would like to congratulate Senator Sonny Angara, our new Department of Education Secretary! With a strong educational background and significant contributions as the Commissioner of the Second Congressional Commission on Education (EDCOM 2), his leadership promises a bright future for Philippine education. Senator Sonny is one of the most hardworking and efficient senators our country has ever had,” ayon pa dito.
Nagparating din ng pagbati ang ilang kongresista sa appointment ni Angara sa DepEd.
Kabilang dito ang pinuno ng Kamara na si House Speaker Ferdinand Martin Romualdez na nagsabing ang dedikasyon at karanasan ni Angara at bilang mahusay na public servant ang susi para gabayan ang DepEd.
“Throughout his career, Senator Angara has demonstrated a profound commitment to enhancing our educational system and championing our student’s and teacher’s rights and welfare. His impressive background and notable legislative work and education policy achievements equip him with the expertise needed to lead the DepEd with excellence,” sabi ni Romualdez.
Nagpasalamat naman si Angara sa mga taong sumuporta dito gayundin sa mga educational organizations tulad ng Philippine Business for Education (PBEd), ang Coordinating Council of Private Educational Associations (Cocopea) at ang Philippine Association of Colleges and Universities (PACU) sa endorsements at trust.
OnlineBalita news 