Ni NERIO AGUAS
Sinimulan na ng Department of Public Works and Highways (DPWH) ang pagtatayo ng 19-palapag na Food and Drug Administration (FDA) Bagong Pilipinas Building sa Filinvest Corporate City sa Alabang, Muntinlupa City.
Pinangunahan ni DPWH Secretary Manuel M. Bonoan at FDA Director General Samuel A. Zacate ang ceremonial groundbreaking, kasama sina First Lady Maria Louise “Liza” Araneta-Marcos, Budget and Management Secretary Amenah F. Pangandaman, at Assistant Secretary Charade Mercado-Grande na kumakatawan kay Health Secretary Teodoro J. Herbosa.
Dumalo rin sa naturang okasyon sina Muntinlupa City Mayor Rozzano Rufino B. Biazon, DPWH Assistant Secretary Nerie D. Bueno, at DPWH National Capital Region Director Loreta M. Malaluan.
Ang bagong gusali, na may kabuuang lawak ng palapag na humigit-kumulang 29,136 metro kuwadrado, ay inaasahang magbibigay ng mas kaaya-ayang workspace na may mga modernong amenity at feature na tumutugon sa mga pangangailangan ng mga tauhan ng FDA.
“The FDA plays a pivotal role in safeguarding the health and safety of Filipino consumers. Through the completion of this office building project, we aim to reinvigorate and inspire dedication and passion of the dedicated men and women of FDA even further,” sabi ni Bonoan.
Sa kasalukuyan, ang FDA Central Office ay matatagpuan sa Experimental Animal Laboratory (EAL) Building, na itinayo noong 1987 sa Alabang.
OnlineBalita news 