Pagtulong sa mga magsasaka iniapela ni Nazal

Ni NOEL ABUEL

Hinikayat ni Magsasaka party list leader Robert Nazal ang agarang aksyon at komprehensibong suporta bilang tugon sa malaking pinsala sa agrikultura na dulot ng bagyong Carina at ng pinalakas na Habagat.

Nabatid na sa inisyal na datos dulot ng kalamidad ay umaabot sa P156.79 milyon ang naging epekto sa agrikultura.

“The extensive damage to our agriculture sector, particularly in Mimaropa, Western and Eastern Visayas, Zamboanga Peninsula, Soccsksargen, and the Caraga region, is a severe blow to our nation’s food security and the livelihoods of our farmers,” sabi ni Nazal.

“We must act swiftly and decisively to provide the necessary support to those affected,” dagdag pa nito.

Kasama sa pinsalang pang-agrikultura ang pagkawala ng 856 metrikong tonelada ng palay na nagkakahalaga ng P145.36 milyon, mga high-value crops na nagkakahalaga ng P8.5 milyon, pagkalugi ng mais na P2.85 milyon, at pagkalugi sa mga alagang hayop na nagkakahalaga ng P80,900.

Upang matugunan ito, nais ng Department of Agriculture (DA) na magpadala ng 72,174 bags ng rice seeds, 39,546 bags ng corn seeds, at 59,600 pouch at 1,966 kilo ng vegetable seeds.

Binigyan-diin ni Nazal ang kahalagahan ng mga pagsisikap na ito, at sinabing ang napapanahong pamamahagi ng mga binhi at iba pang mapagkukunan ay napakahalaga para sa mga magsasaka upang simulan ang proseso ng pagbangon.

“I commend the DA for mobilizing their regional personnel for this urgent intervention,” aniya.

Bukod sa pamamahagi ng binhi, maaaring maka-avail ng P25,000 loan ang mga magsasaka sa ilalim ng Survival and Recovery (SURE) Loan Program.

Ang pautang na ito ay walang interes at babayaran sa loob ng tatlong taon, na nagbibigay ng kinakailangang tulong pinansyal sa mga pinakamahirap na naapektuhan ng bagyon.

“The SURE Loan Program offers a lifeline to our farmers, allowing them to rebuild without the burden of high-interest rates. We must ensure that this assistance reaches those in need promptly,” ayon kay Nazal.

Upang higit pang suportahan ang pagsisikap sa pagbawi, ang Quick Response Fund at ang Philippine Crop Insurance Corp. ay pinakilos na rin.

Ang mga hakbang na ito ay naglalayong magbigay ng agarang tulong pinansyal at pagbabayad ng insurance sa mga apektadong magsasaka, na tumutulong na patatagin ang kanilang kita at suportahan ang mga hakbangin sa pagbangon.

“I urge both the national and local governments to expedite the delivery of all forms of aid, from seeds and loans to financial assistance through the Quick Response Fund and crop insurance. It is imperative that we stand with our farmers during this challenging time,” pahayag ni Nazal.

Nanawagan din si Nazal sa mga mambabatas na unahin ang batas na nagpapatibay sa pagtugon sa disaster at agricultural resilience ng bansa.

“We need robust policies and programs that will not only help our farmers recover from this disaster but also equip them to withstand future challenges,” aniya pa.

Habang nagsisikap ang bansa para makabangon mula sa epekto ng bagyong Carina at ng Habagat, nananatiling nakatuon si Nazal sa pagtataguyod para sa mga pangangailangan ng mga apektadong komunidad at pagtiyak ng katatagan ng sektor ng agrikultura sa Pilipinas.