Ni NOEL ABUEL
Gusto ni Senador Robinhood “Robin” C. Padilla na siyasatin ang papel ng media sa panahon ng gusot tulad ng tensyon sa South China Sea para magampanan nito ang tungkulin nitong panatilihin ang malakas na demokrasya.
Ihinain ni Padilla ang Senate Resolution 999, na magsasagawa ng investigation aid of legislation tungkol dito sa pamamagitan ng Senate Committee on Public Information and Mass Media na kanyang pinamumunuan.
Ani Padilla sa kanyang resolusyon, mismong si Pangulong Ferdinand “Bongbong” R. Marcos Jr. ang nagsabing ang kahalagahan ng media – lalo na ng broadcasting – na alagaan ang pampublikong talakayan, katotohanan at kredibilidad, at ang “rule of law.”
Dagdag ng mambabatas, maaaring maapektuhan ang Pilipinas hindi lang sa mga isyu sa West Philippine Sea, kundi pati sa labanan ng Russia at Ukraine, at ang tumitinding tensyon sa pagitan ng Israel at Iran.
Bukod sa banta sa ASEAN region ng WPS issue kung saan nalalagay ang Pilipinas sa “potential crisis situation,” iginiit ni Padilla na ang labanan ng Russia at Ukraine ay maaaring magkaroon ng epekto sa Pilipinas, kabilang ang inflation, fuel shortage at food insecurity.
“(It) is crucial for Filipinos to be well-informed of the consequences of our political inclination and possible courses of action should these aforementioned global conflicts escalate,” aniya sa kanyang resolusyon.
“In critical times like this, experience tells us that the mass media, which is considered truth-tellers, plays a vital role in affecting public perception pertinent to existing conflicts,” dagdag nito.
Dahil dito, ipinunto ni Padilla na kailangang tiyakin na ang media ay maglalabas ng “accurate and timely information to the public on pressing issues, particularly on present global conflicts with the end view of raising awareness and enabling citizens to prepare and make sound decisions for themselves.”
OnlineBalita news 