Ni NERIO AGUAS
Naharang ng mga tauhan ng Bureau of Immigration (BI) sa Ninoy Aquino International Airport (NAIA) Terminal 1 ang isang Australian-American national na wanted sa bansa nito sa kasong sex offenses.
Kinilala ni Immigration Commissioner Norman Tansingco ang nasabing dayuhan na si Robert David Fenton, 54-anyos na dumating noong Abril 23 mula sa Los Angeles.
Nabatid na noong Abril 14 nang unang tangkaing pumasok sa bansa ni Fenton mula sa Brisbane, Australia.
Sinabi ni Tansingco na si Fenton ang inilagay sa exlusion ngbBI matapos ang kanyang pangalan ay nagpositibo sa hit ng Interpol derogatory system na nagsasaad na ito ay napapailalim sa isang red notice at pinaghahanap para sa mga krimen sa sex crimes sa US.
Agad itong binigyan ng exclusion order ng BI personnel on-duty at inilagay sa immigration blacklist dahil sa pagiging undesirable alien.
Ayon kay BI-Interpol unit acting chief Jaime Bustamante, si Fenton ay wanted sa US sa kasong aggravated indecent assault dahil sa naging biktima nito na 16-anyos.
Kinasuhan din ito ng corruption of minors at indecent assault, involuntary deviate sexual intercourse, at statutory sexual assault laban sa isang wala pang 16 taong gulang.
Ikinatuwa ni Tansingco ang pagharang kay Fenton bilang isa pang matagumpay na tagumpay sa kampanya ng BI laban sa mga sexual predators na nagtatangkang pumasok sa Pilipinas.
Isinalarawan si Fenton bilang “criminal sex offender” na marapat na papanagutin sa pang-aabuso nito sa mga menor-de-edad sa mahabang panahon o sa loob ng dalawang taon.
“We are determined to ban the entry of these unwanted aliens as their presence here poses a serious risk to our women and children,” sabi ng BI chief.
OnlineBalita news 