Ni NOEL ABUEL
Nakatakdang maghain ng resolusyon si Senador Joseph Victor Ejercito para maimbestigahan ang umano’y networking na kinasasangkutan ng ilang doktor at pharmaceutical company.
Sinabi ni Ejercito na sa darating na araw ng Lunes, Abril 29 ay ihahain nito ang resolusyon para maimbestigahan ang ulat na ilang doktor ang nakikipagsabwatan sa mga pharmaceutical company para maibenta ang isang gamot sa mga pasyente.
Aniya, may doktor at pharmaceutical company ang tatayong whistleblower para ibulgar ang nasabing modus operandi.
“I was approached already by some pharma company and some whistleblowers. Shareholders are doctors they import quality drugs, most for hypertension, diabetes and others. Conflict of interest ang complaint ng whistleblowers against doctors prescribing drugs na sila ang nagpapasok at sila rin ang nag-i-import,” sabi ni Ejercito.
“I already prepared a draft resolution which will be filed on Monday. Two or three months ago we already knew. We will look into it kung may violation sa ethical standards, kung ikaw pasyente kung ano prescribe susunod ka, may supplements na baka di kailangan, we are also informed na ‘yung doctors na recruited sa networking may incentives, parang networking na rin,” dagdag nito.
Sinabi pa ni Ejercito na dapat na kumilos ang Philippine Medical Association (PMA) para maparusahan ang sinumang miyembro nito na sangkot sa networking na may kaugnayan sa mga gamot.
“They should police their own ranks, dapat nandoon ‘yann sa PRC at PMA, dapat sila ang mag-utos,” aniya pa.
Siguro recently ang mga networking companies parang may success nakita nila, kaya siguro naisip nila ito, ang problema lang dito this concerns medicines. As principal author of Universal Health Care (UHC) our aim is to lower the cost of medical expense. We really have to look into this kasi we don’t want extra expenses,” ayon pa sa senador.
OnlineBalita news 