Ni NOEL ABUEL
Isinusulong ni Senador Cynthia Villar ang pag-unlad ng livestock, poultry at dairy industry upang matiyak ang food security ng bansa.
“These industries accounts for more than a quarter of agricultural output in 2023,” ayon kay Villar, chairperson ng Senate committee on agriculture and food.
Aniya, mula sa baboy at manok, tinatayang 29.8% porsiyento ang Filipino protein consumption.
Binanggit din nito na maaaring magkaroon ng protein deficiency at malnutrition ang mga Pinoy dahil sa hindi kakayanin ang mataas na halaga ng mga ito.
“The hog sector in the country is still struggling against the African Swine Fever outbreak since 2019 and needs to bounce back to support smallhold raisers and commercial farms to support of basic food needs for pork,” ani Villar.
Aniya, ang ASF ang responsable sa pagkalugi ng hog sector na umaabot sa P100 bilyon.
Kailangan din ng poultry sector ang sustainable inputs gaya ng feeds, gamot laban sa mga peste at mga sakit para sa mas episyenteng sistema ng produksyon.
“Imported milk in the country accounts for 99 percent of supply which makes milk unavailable and unaffordable to our growing population,” sabi pa ng senador.
Iginiit ni Villar na kailangan din ng matinding suporta ng ating milk production upang matugunan ang local demand, lalo na sa milk feeding programs sa mga paaralan at iba pang institusyon na nangangalaga sa mga bata.
Sa mahabang panahon, pinatatakbo ang LPD industries ng private sector at sa panukalang ito, aktibong susuportahan at lalahok ang pamahalaan sa pag-unlad ng sektor.
Nais din ni Villar na maging competitive ang Livestock, Poultry and Dairy Industries kapag naipasa ang Senate Bill No. 2558, sa ilalim ng Committee Report No. 193 or “An Act Strengthening the Livestock, Poultry and Dairy Development and Competitiveness, Rationalizing the Organization and Functions of Relevant Government Agencies, Creating an Competitiveness Enhancement Fund Therefor.”
OnlineBalita news 