Ni NOEL ABUEL
Magkatuwang na kinondena ni Misamis Occidental 2nd District Rep. Ando Oaminal at ng kanyang kapatid na si Ozamiz City Mayor Indy Oaminal ang pagpatay sa isang whistleblower at police informant.
Ayon sa mga nasabing opisyal, hindi dapat palagpasin ng mga awtoridad na madakip ang nasa likod ng pagpatay sa biktimang si Glenn Hernando, na pinatay noong Agosto 30.
Sinasabing bago ang pagpatay, ibinigay ni Hernando ang napakahalagang impormasyon sa mga opisyal ng pagpapatupad ng batas ng Ozamiz City tungkol sa mga grupo ng splinter at mga labi ng organisadong sindikato ng krimen na kilala bilang Kuratong Baleleng Group.
Kasunod ng insidente agad na nagsagawa ng operasyon ang Ozamis City Police sa pangunguna ni PMaj. Dennis Tano at nakita ang driver ng ginamit na getaway car, pati na rin ang isa pang kasabwat sa krimen.
Nakilala na rin ang bumaril sa biktima na nakilalang si Richie Dela Cruz, na nagawang makatakas sa kabila ng nagtamo ng tama ng baril kasunod na palitan ng putok.
“This is a cowardly, condemnable act, and our deepest sympathy goes to the family and friends of Glenn,” sa kalatas ng pamilya Oaminals.
“Our priority right now is to ensure that Glenn’s sacrifice is not in vain, and to make certain that justice will be served swifty and soundly. This incident shows that criminals still operate among us, and need to feel the full weight of law enforcement upon them,” dagdag pa ng mga ito.
Naglabas din ang magkapatid na Oaminal ng P500,000 reward sa sinumang makapatuturo sa suspek na si Dela Cruz.
OnlineBalita news 