NI NEILL ANTONIO
Naglabas ng abiso ang Department of Foreign Affairs (DFA) sa publiko na sarado ang Consular Office nito sa Baguio City sa darating na Setyembre 13.
Sa inilabas na kalatas ng DFA, base sa Proclamation No. 49 na may petsang Agosto 22 2022, idineklara ng Setyembre 13 bilang special non-working day sa Cordillera Administrative Region (CAR) bilang pag-alala sa 1986 Sipat Peace Talks.
Nabatid na ang CO ay lalahok kasama ang iba pang ahensya ng pamahalaan sa Baguio sa nasabing okasyon.
Ayon pa sa DFA, para sa iba pang consular services at emergency concerns, maaaring makipag-ugnayan ito sa CO Baguio sa rco-baguio@oca.dfa.gov.ph.
OnlineBalita news 