NI MJ SULLIVAN
Kapwa nakaranas ng paglindol ang ilang residente ng lalawigan ng Samar at Davao Occidental kaninang madaling-araw, ayon sa Philippine Institute of Volcanology and Seismology (Phivolcs).
Ayon sa datos ng Phivolcs, ala-1:49 ng madaling-araw nang maitala ang magnitude 4.1 sa Richer scale sa layong 238 km timog silangan ng Balut Island sa Munisipalidad ng Sarangani, Davao Occidental.
Natukoy ang lalim ng lindol sa layong 121 kms at tectonic ang origin.
Samantala, dakong alas-5:22 ng madaling-araw nang tumama ang magnitude 4.0 na lindol sa San Policarpio, Eastern Samar sa layong 058 kms hilagang silangan ng nasabing lugar at may lalim na 024 at tectonic ang origin.
Kapwa wala namang inaasahang aftershocks ang Phivolcs sa nasabing mga lalawigan.
OnlineBalita news 