Ni NOEL ABUEL
“We congratulate Vice President Sara Duterte on her first 100 days in office.”
Ito ang ipinarating na pagbati ni House Speaker Martin Romualdez kay Vice President at Department of Education (DepEd) Sec. Duterte sa ika-100 araw nito sa posisyon.
Aniya, bilang kalihim ng DepEd, pinangunahan nito ang makasaysayang pagpapatuloy ng face-to-face classes ng mga estudyante sa buong bansa pagkatapos ng mahigit dalawang taong lockdown at online schooling, na isang tagumpay na napakahirap gawin.
“I also congratulate her for the successful implementation of pro-poor programs, including the Libreng Sakay, extending medical, and burial assistance to the indigents, distribution of school supplies and hygiene kits to deserving students,” sabi ni Romualdez.
Idinagdag pa ni Speaker Romualdez ang malakas na pamumuno ni VP Sara at matatag na pampulitikang kalooban ay naging posible sa lahat ng bagay na ito, na naglalagay ng mga hakbang sa kaligtasan at mga protocol sa kalusugan para sa mga mag-aaral, guro at tauhan ng paaralan.
“We at the House of Representatives salute your leadership!” ayon pa sa lider ng Kamara.
OnlineBalita news 