NI NERIO AGUAS
Umaabot sa P2.09 bilyon ang tinamong pagkasira sa mga national roads, bridges, at flood-control structures sa nakalipas na pananalasa ng severe tropical storm “Paeng”.
Base sa ulat na ipinadala ng Department of Public Works and Highways Bureau of Maintenance, ang kabuuang halaga ng pagkasira sa national roads ay nasa P917.80 milyon; P523.80 milyon naman sa national bridges, at P652.76 milyon sa flood control structures.
Kabilang dito ang naitala sa Cordillera Administrative Region na umabot sa P227.02 milyon ang infrastructure damage; Region 1 na nasa P58.40 milyon; Region 2 P61.03 milyon; Region 3 P54.50 milyon; Region 4-A P967.09 milyon; Region 4-B P130.40 milyon; Region 5 P74.83 milyon; Region 6 na P150.41 milyon; Region 7 P8 milyon; Region 8 P60 milyon; Region 12 ay P102.68 milyon at BARMM na nasa P200 milyon.
Samantala, ganap na alas-6:00 ngayong araw, 24 road sections sa CAR, Regions 2, 3, 4-A, 6, 8, 12, at BARMM ay sarado sa trapiko dahil sa mga naitalang pagkasira ng pavement/slope protection, road cut, nasirang tulay, nasirang bridge approach, pagbaha at mga fallen debris.
Ayon sa DPWH, kabilang sa mga naitalang nasira sa Luzon ay ang Claveria – Calanasan – Kabugao Road, sa Salagunting Section, Eva, Calanasan, Apayao dahil sa road cut; Congressman Andres Acop Cosalan Road sa Sitio Bileng, Brgy. Duacan, Kabayan, Benguet dahil sa gumuhong lupa; Banaue – Hungduan – Benguet Boundary Road (Tertiary Road) Tulludan at Tukucan sections sa Tinoc, Ifugao dahil sa soil collapse; Lubuagan – Batong Buhay – Abra Boundary Road sa Dangtalan at Balatoc Pasil section; Lower Uma, Lubuagan section; at Batongbuhay, Lubuagan section sa Kalinga dahil sa road slip, soil at rock collapse, debris flow; Balbalan – Pinukpuk Road, Maling Section sa Balbalan, Kalinga dulot ng debris flow; Manila North Road, K0611+680 Claveria Bridge detour sa Cagayan dahil sa nasirang bridge approach; Cabagan-Sta. Maria Overflow Bridge, Cabagan Sta. Maria Road sa Isabela dahil sa high water elevation; Gamu-Roxas Road Carappigan Bridge K0404+400 Isabela dahil sa high water elevation.
Gayundin sa Nueva Ecija-Aurora Road K0211+786, Diteki River Detour Road sa Aurora dahil sa high water elevation; Talisay-Laurel-Agoncillo Road, Brgy. Bugaan, Laurel, Batangas K0096+950 dahil sa nagh-collapsed na slope protection; Tagaytay – Taal Lake Road, Brgy. San Jose, Tagaytay City, Cavite dahil sa bumagsak na debris at landslide; Bantilan Bridge sa kabahaan ng Brgy. Manggalang-Bantilan, Sariaya, Quezon dahil sa nasirang tulay.
Habang sa Visayas, apektado ang Iloilo-Antique Road Paliwan Bridge sa Brgy. Cubay North, Bugasog at Old Ypayo Bridge sa Poblacion, Patnongon, Antique dahil sa nasirang tulay; Bugo-Gen. Fullon Road. Igmataning Bridge, K0130+(589), Sinundulan, San Remigio, Antique; Sibalom-Pis-anan Road (Tertiary Road) K0111+300, Brgy. Nagdayao, Sibalom, Antique dahil sa road cut; Iloilo Antique Road, Oyungan Bridge sa Brgy. Oyungan, Miag-ao Iloilo dahil sa bridge settlement, soil collapse at nasirang slope protection; Guimbal-Igbaras-Tubungan-Leon Road K0035+220, Brgy. Nito-an, Guimbal Iloilo dahil sa road slip; Jaro-Dagami-Burauen-La Paz Road, Brgy. Moguing, Burauen, Leyte, Marabong Bridge.
At sa Mindanao, apektado ang Awang-Upi-Lebak-Kalamansig Palimbang-Sarangani Road sa Brgy Sta Clara sa Brgy Paril Kalamansig, Sultan Kudarat at Namat Masla Bridge, K1989+634 sa Brgy. Namat Masla,Sultan Kudarat dahil sa soil collapse; Sen. Ninoy Aquino-Lebak Kalamansig Road, Upper Limulan Bridge sa Brgy. Limulan, Kalamansig, Sultan Kudarat; Isulan Jct-Ninoy Aquino Road, Bagumbayan Bridge, Brgy. Poblacion, Bagumbayan, Sultan Kudarat; Cotabato-Lanao Road, Sarakan Bridge sa Matanog, Maguindanao at Libuan Bridge; Highway Tamontaka – Jct Tapian Wharf Road, Tinabon (Ledepan) Bridge, Brgy Badak, Datu Odin Sinsuat, at bahagi ng Brgy. Badak, Datu Odin Sinsuat, K1864+500 – K1868+-291 at Tapian Bridge, K1866+705, Brgy. Tapian dahil sa nasirang tulay at soil erosion; at Marbel-Allah Valley-Cotabato Road, K1796 + 125, Kabulnan Bridge, Brgy Labu Labu, Datu Hoffer, Maguindanao dahil sa scoured bridge abutment.
OnlineBalita news 