Mas mabigat na parusa sa opisyal ng pamahalaan sa agri smuggling iginiit

Ni NOEL ABUEL

Pinaaamiyendahan ng isang kongresista ang Republic Act No. 10845 o ang Anti-Agricultural Smuggling Act of 2016 na naglalayong magpataw ng mas mahigpit na parusa sa mga pampublikong opisyal o empleyado ng pamahalaan na sangkot sa malakihang agricultural smuggling sa bansa.

Sa House Bill No. 5742 na inihain ni AGRI party list Rep. Wilbert T. Lee, binigyan-diin nito ang pangangailangan na parusahan hindi lamang ang mga iligal na importer kundi ang lahat ng sangkot sa agricultural smuggling, kabilang ang mga pampublikong opisyal at empleyado na may perpetual absolute disqualification sa paghawak ng tungkulin sa gobyerno.

“The agriculture sector will not progress and issues relating to it will not be solved if the supposed protectors and implementors of public interest are behind agricultural smuggling,” sabi ni Lee.

“Strict enforcement is needed as government officials and employees are agents of the people. The power and position entrusted to them should only be used for the benefit of all and not for their own personal gain,” dagdag pa nito.

Ayon pa sa mambabatas ang pagsasabatas ng RA 10845 o ang “Anti-Agricultural Smuggling Act of 2016” na inakda ng AGRI party list ay naging daan upang isulong ang produktibidad ng sektor ng agrikultura, at protektahan ang mga magsasaka at negosyo mula sa mga tiwaling negosyante at importer.

Idineklara ng RA 10845 na economic sabotage ang malakihang smuggling ng mga produktong agrikultural subalit sa kabila nito ay nananatiling talamak ang agricultural smuggling sa bansa.

“Agriculture industries are still competing against smuggled products, the latter dominating the market. As a result, there is a decline in local produce. Local agricultural sectors are restrained from continuing their production because of fear of their products going to waste or being sold at much lower prices and resulting to loss of profit,” paliwanag pa ni Lee.

Nilalayon ng HB No. 5742 na isama ang iba pang labag sa batas na pagkilos ng mga pang-aabuso sa pamilihan; at baguhin ang isang mas mahigpit na parusa sa mga pampublikong opisyal o empleyado na kinukunsinti, nagpoprotekta, o nakikibahagi sa malakihang pagpupuslit sa agrikultura, at iba pang mga pang-aabuso sa merkado, ngunit hindi limitado sa, hoarding, profiteering, o cartel sa bansa.

Ang parusa ng hanggang habambuhay na pagkakakulong at multa ng hanggang dalawang beses ang patas na halaga ng smuggled na produktong agrikultural o ang produktong napapailalim sa pag-iimbak, profiteering, o cartel at ang pinagsama-samang halaga ng mga buwis, tungkulin at iba pang mga singil na iniiwasan kasama ang interes sa umiiral na legal na rate ay dapat ipataw sa sinumang taong lalabag sa batas.

“Dahil talamak pa rin ang agricultural smuggling, dehadong-dehado ang ating mga magsasaka at lalong nababaon sa kakapiranggot na kita. Sa paghihigpit sa implementasyon ng batas para sugpuin ang krimeng ito, bukod sa tataas ang produksyon at kita ng mga magsasaka, tataas din ang kita ng gobyerno, na magagamit sa serbisyo para sa mga Pilipino. Kapag nangyari ito, winner tayo lahat,” sabi ng kongresista.