Ni NOEL ABUEL
Tiniyak ni House Speaker Ferdinand Martin G. Romualdez sa mga mamamayan ng Negros Oriental na balik na ang peace and order sa nasabing lalawigan ilang araw matapos ang pagpatay kay Governor Roel Degamo sa sariling tahanan nito sa Barangay San Isidro, sa bayan ng Pamplona.
“We want to assure the people of Negros Oriental to remain calm because no less than the President Ferdinand “Bongbong” R. Marcos Jr. has been on top of the situation since it occurred 24 hours ago, and he has ordered us to root out the perpetrators of this crime and to make sure that justice is restored, peace and order is restored to Negros Oriental,” pahayag ni Romualdez sa isang pulong balitaan sa Negros Oriental Police Provincial Office (NOPPO) sa Dumaguete City Linggo ng umaga.
“Rest assured, people of Negros Oriental, that peace and order has been restored, there’s nothing to fear, the law enforcers, the whole of government, the Chief of Staff is here, to assure you that there will be no further crimes of this nature in Negros Oriental,” aniya pa.
Kasama rin ni Romualdez si Department of the Interior and Local Government (DILG) Secretary Benhur Abalos sa nasabing pulong matapos ang pakikiramay ng mga ito sa pamilya ni Degamo.
“Maraming salamat po Secretary Benhur Abalos. Nandito po ako on the part of House of Representatives, nakikiramay po kami sa taumbayan ng Negros Oriental, sa pamilya ni Governor Degamo, si mayora (Pamplona Mayor Janice Degamo), at sa buong pamilya niya, mga kaibigan niya,” banggit pa nito.
Inalala pa nito na ilang sandali matapos ang pagpatay sa gobernador, nanawagan ito sa mga nagpapatupad ng batas na gawin ang lahat ng kanilang makakaya upang hanapin ang mga salarin at utak ng krimen.
“Kahapon lang nagsalita po ako at hinamon ko ang ating secretary (Abalos), ang Chief PNP, at ang chief of staff, at ang law enforcers at within 24 hours, nagpapasalamat naman din ako na most of the suspects have already been apprehended. So huwag naman natin tigilan itong manhunt dahil there are still [suspects] on the loose at we have also to ferret out who is the mastermind of this heinous crime,” ayon pa kay Romualdez.
“We assure the people of Negros na nandito tayo lahat, para malaman ng buong Negros Oriental na nandito ang buong pwersa ng gobyerno para matapos natin itong kaso na ito. We shall apprehend all the perpetrators of the crime including the mastermind,” giit nito.
Tiniyak din ni Abalos na ang pagkamatay ni Degamo ay hindi nag-iwan ng bakante sa pamumuno sa pamamagitan ng panunumpa kay Vice Gov. Carlo Jorge Joan Reyes bilang gobernador at 1st Board Member Manuel “Chaco” Sagarbarria bilang bise gobernador.
Sinabi ng lider ng Kamara na ito at si Negros Oriental 2nd District Rep. Manuel Sagarbarria ay tinitiyak sa mga mamamayan ng Negros Oriental na gagawin ang lahat para maibigay hindi lang ang lokal na pamahalaan, kundi ang kalihim na ang PNP at ang Armed Forces of the Philippines (AFP).
“We will do everything to provide not just the local government, but our secretary that the PNP and the the Armed Forces, particularly now that we know that there is a great demand for more peace and order for their budget and for whatever requirements, we ensure them that we shall support you in the quest for justice,” sabi pa ni Romualdez.
OnlineBalita news 