Ni NOEL ABUEL
Inaprubahan na ng Kamara ang panukalang batas na pinapayagan nang gamitin ng mga may asawang babae ang kanilang maiden surname.
Sa botong 277, pinagtibay ng Mababang Kapulungan ng Kongreso ang House Bill (HB) No. 4605 sa huli at ikatlong pagbasa na nag-aamiyenda sa ilang bahagi ng 72-year-old New Civil Code (NCC).
“Although our Civil Code currently allows three options for identification, we see this bill as a relevant and timely move to prove the commitment of the House of Representatives to promoting equality of men and women before the law,” sabi ni Speaker Ferdinand Martin G. Romualdez.
“It is not enough that our jurisprudence says that a married woman has an option, but not a duty, to use the surname of the husband. It is important that we institutionalize that they can decide to retain both their maiden name and surname,” dagdag pa nito.
Sa ilalim ng kasalukuyang bersyon ng Article 370 of Title XIII, Book III ng Republic Act No. 386, as amended, ang mga babaeng may asawa ay may tatlong opsyon.
Ito ay ang paggamit ng kaniyang maiden first name at surname at idagdag ang apelyido ng asawa; paggamit ng kaniyang maiden first name at apelyido ng asawang lalaki; o paggamit ng buong apelyido ng asawang lalaki at paggamit ng salitang nagsasaad na asawa o ‘Mrs’.
Ang panukala sa Art. 370 sa ilalim ng HB 4605 ay nagpapakilala sa ikaapat na opsyon na pagpapanatili sa maiden first name and surname o sa madaling salita ay maaaring pumili ang may asawang babae kung nais nitong palitan ang kanyang pangalang.
Ang nasabing panukala ay iniakda nina Manila 4th District Rep. Edward Vera Maceda, Gabriela Rep. Arlene Brosas, San Juan City Rep. Ysabel Zamora, Leyte 3rd District Rep. Juliet Marie Veloso-Tuazon, Negros Occidental 4th District Rep. Juliet Ferrer, Eastern Samar Rep. Maria Fe Abunda, Pampanga 3rd District Rep. Aurelio Gonzales, Leyte 2nd District Rep. Lolita Javier, Zamboanga City 2nd District Rep. Mannix Dalipe at ACT-CIS Rep. Jocelyn Tulfo.
OnlineBalita news 