Ni NERIO AGUAS
Bumagsak na sa kamay ng mga tauhan ng Bureau of Immigration (BI) ang dalawang dayuhan na pawang wanted sa kanilang mga bansa.
Ayon kay Immigration Commissioner Norman Tansingco ang dalawang dayuhan ay kinabibilangan ng isang South Korean at isang Chinese national, na naaresto sa magkahiwalay na operasyon sa Pampanga at Manila ng mga operatiba ng fugitive search unit (FSU) ng BI.
“They are now detained and awaiting deportation at our warden facility in Taguig City. They have been included in our blacklist, thus they are now perpetually banned from re-entering the country for being undesirable aliens,” sabi ni Tansingco.
“There will be no letup in the bureau’s campaign against wanted foreigners who are using the country as a refuge to evade prosecution and punishment for crimes they committed in their homelands,” giit pa nito.
Nabatid sa ulat ni BI-FSU acting chief Rendel Ryan Sy, nakilala ang foreign fugitive na si Lee Poong Keun, 53-anyos, isang South Korean na nadakip noong nakalipas na Marso 18 sa Bgy. Sta. Cruz, Angeles City.
Sinabi ni Sy na si Lee ay may kinakaharap na deportation order na inilabas ng BI board of commissioners noong 2016 matapos humingi ng tulong ang Korean government para sa ikadarakip nito.
Si Lee ay may outstanding arrest warrant na inilabas ng Incheon district court sa Seoul dahil sa kasong conspiracies of murder at extortion.
Natuklasan din na ang nasabing dayuhan ay may kinakaharap na 12 pang arrest warrants na inisyu ng iba’t ibang korte sa Korea dahil sa mga kaso.
Samantala, nadakip din noong Marso 22 ang Chinese national na si Huang Xuyang, 47-anyos, sa Binondo, Manila.
Si Huang ay wanted ng public security bureau sa Qinhuangdao City, China dahil sa pagtanggi na sundin ang utos ng korte sa kaso nito.
OnlineBalita news 