Ni NOEL ABUEL
Nanawagan si Senate Majority Leader Francis N. Tolentino sa Department of Foreign Affairs (DFA) na pag-aralan ang mga posibleng paglabag sa International Humanitarian Law ng China kasunod ng hidwaan noong Mayo 19 sa Ayungin Shoal.
Dito ay sinamsam ng mga miyembro ng Chinese Coast Guard (CCG) at itinapon ang mga suplay ng pagkain sa dagat para sa mga tauhan ng Philippine Navy na nakatalaga sa grounded BRP Sierra Madre.
Sinabi ni Tolentino na malinaw na ipinakita sa video footage ng insidente ang pagkumpiska at pagtatapon ng mga suplay ng pagkain para sa tropa ng Pilipinas ng mga tauhan ng CCG.
“I think the DFA should focus, not just on mere diplomatic protests, but to study possible violations of International Humanitarian Law,” ayon kay Tolentino, na chairman ng Senate Special Committee on Philippine Maritime and Admiralty Zones.
“We have to understand that even if there is no direct conflict yet, there is a known prohibition, which is recognized (under International Humanitarian Law) of starvation as a method of warfare,” dagdag pa nito.
“What happened was essentially a deprivation of food supplies (which) involves violations of the right to life and the right to food..this is ostensibly an act of aggression,” aniya pa.
Kasabay nito, kinumpirma ni Tolentino ang kanyang suporta sa Armed Forces of the Philippines (AFP) at ang pahayag ni AFP Chief of Staff Romeo Brawner Jr. na ang mga tropang Pilipino na nakatalaga sa Ayungin ay awtorisado na magdala ng mga armas at may karapatang ipagtanggol ang kanilang sarili.
“I agree with Gen. Brawner that the BRP Sierra Madre is a commissioned ship; the occupants of the said vessel are authorized to bear arms…and are allowed to defend themselves. I don’t see any act of aggression on the part of the Philippine Navy,” giit nito.
OnlineBalita news 