NI NOEL ABUEL
Binatikos ni House Deputy Majority Leader at Iloilo 1st District Rep. Janette Garin ang mga anti-vaxxer na tinawag na malakas na lobby group na laging tumututol sa pagbabakuna sa kabila ng malinaw na patakaran ng gobyerno pagdating sa coronavirus disease-19 (COVID- 19) pandemya.
“I think CHED’s announcement is the success of anti-vaxxers. The anti-vaccine group is a very strong lobby group that are also well-organized. So palagi ‘yan silang kumokontra kasi ‘yan ang kanilang paniniwala,” sabi ni Garin sa Ugnayan sa Batasan Majority News Forum.
Reaksyon ito ni Garin sa pahayag ng Commission on Higher Education (CHED) na hindi na mangangailangan ang mga estudyante ng higher education institution (HEI) at maging ang mga tauhan na makakuha ng COVID-19 jabs bilang paghahanda sa pagbabalik ng face-to-face classes.
“Kapag ikaw naman eh magpadala doon, syempre medyo matakot ka kasi you’ll be threatened with cases, then nandudoon na ngayon ‘yung nahahati ‘yung iyong desire to protect our people versus protecting yourself,” sabi pa nito.
Si Garin, na dating naging kalihim ng Department of Health (DOH), ay naniniwalang dapat na kumilos ang Malacañang kung ano ang dapat na masunod para sa kaligtasan ng taumbayan.
“Ang pananaw ko, it’s now the President’s call. Because only the President can make sure that when people in government do their job, they will be protected,” aniya.
“I believe it’s a matter that should really be discussed thoroughly by government. Because when there’s a fight between pro-vaccine and anti-vaccine, kailangan na kailangan na pumagitna ang gobyerno at tingnan kung ano ba ang nararapat para sa sambayanang Pilipino,” dagdag pa nito.
Ayon pa kay Garin, ang patakaran ay maglalagay sa peligro ng mga Pilipino sa HEI na mayroon nang health issues.
“I think the bigger risk there is for the professors and the employees of the state universities and even colleges and universities. Kasi medyo may comorbidities marami sa kanila above 35 years old, mayroon din diyan about 60 years old and halos karamihan diyan mayroon nang maintenance medication, which makes them prone to COVID complications,” paliwanag pa nito.
OnlineBalita news 