Bagyong Paeng magla-landfall sa San Juan, Batangas

2nd update

NI MJ SULLIVAN

Napanatili ng severe tropical storm Paeng ang lakas na dala nitong pag-ulan habang nananalasa sa buong Luzon, Metro Manila, Calabarzon, Bicol region, Marinduque, Romblon, Mindoro Provinces, at hilagang bahagi ng Palawan kasama na ang Calamian at Cuyo Islands.

Ayon sa pinakahuling advisory na inilabas ng Philippine Atmospheric Geophysical and Astronomical Services Administration (PAGASA), patuloy na mararanasan ng nasabing mga lugar ang malakas na pag-ulan na maaaring magdulot ng mga pagbaha at paggguho ng lupa.

Nabatid na nakatakdang mag-landfall ang TS Paeng sa San Juan, Batangas kung saan malalakas na ulan at hangin ang dala nito sa buong Metro Manila, CALABARZON, Bicol Region, Marinduque, Romblon, Mindoro Provinces, at hilagang bahagi ng Palawan kasama na ang Calamian at Cuyo Islands.

Mahina hanggang malakas na ulan din ang mararanasan sa Cagayan Valley, Cordillera Administrative Region, Western Visayas, at Central Luzon gayundin sa buong Luzon at Visayas.

Bukas ng umaga, asahan ang malalakas na ulan sa Subic, Zambales, Bataan, at Ilocos Region habang mahina hanggang sa malakas din na pag-ulan ang mararanasan pa rin sa Metro Manila, MIMAROPA, sa CALABARZON, at sa Gitnang Luzon.

“Under these conditions, widespread flooding and rain-induced landslides are expected, especially in areas that are highly or very highly susceptible to these hazard as identified in hazard maps and in localities with significant antecedent rainfall,” sabi ng PAGASA.

Nakataas ang Alert Signal no.3 Metro Manila, Bataan, ang katimugang bahagi ng Zambales (Olongapo City, Subic, Castillejos, San Antonio), Marinduque, ang hilaga at gitnang bahagi ng Quezon (Pitogo, Lucena City, Pagbilao, Infanta, Tiaong, Unisan, Plaridel, San Antonio, Candelaria, Lucban, Sampaloc, Padre Burgos, Sariaya, City of Tayabas, Mauban, Dolores, General Nakar, Agdangan, Gumaca, Atimonan, Real, Macalelon, General Luna, Catanauan) kasama ang Pollilo Islands, Laguna, Batangas, Cavite, Rizal, at hilagang kanluran ng Occidental Mindoro (Paluan, Abra de Ilog) kasama ang Lubang Islands, at hilagang bahagi ng Oriental Mindoro (San Teodoro, Puerto Galera, Baco, City of Calapan, Naujan).

Samantala, signal no. 2 naman sa katimugang bahagi ng Aurora (San Luis, Baler, Dingalan, Maria Aurora), Bulacan, Nueva Ecija, Pangasinan, Pampanga, Tarlac, nalalabing bahagi ng Zambales, ang kanluran at hilagang kanluran ng Camarines Sur (Siruma, Tinambac, Ocampo, Goa, Lagonoy, Milaor, Nabua, Buhi, Baao, Bato, Camaligan, Pili, Tigaon, Garchitorena, Iriga City, San Fernando, Magarao, Minalabac, Balatan, Naga City, Calabanga, Bombon, Bula, Canaman, Saglay, San Jose, Gainza, Sipocot, Del Gallego, Ragay, Lupi, Pasacao, Cabusao, Libmanan, Pamplona), nalalabing bahagi ng Oriental Mindoro, ng Occidental Mindoro, Romblon, Camarines Norte, ng Quezon, ang hilaga at gitnang bahagi ng Albay (Tiwi, Malinao, Libon, City of Tabaco, Polangui, Oas, City of Ligao, Guinobatan, Pio Duran), at Burias Island.

Signal no. 2 sa Visayas region partikular sa hilagang kanluran ng Antique (Libertad, Pandan, Caluya Islands) at ang katimugang bahagi ng Aklan (Buruanga, Malay, Nabas, Ibajay, Tangalan, Makato, Numancia, Lezo).

Nakataas naman sa signal no. 1 Isabela, Nueva Vizcaya, Quirino, La Union, Kalinga, Abra, Benguet, Ifugao, Mountain Province, Ilocos Sur, nalalabing bahagi ng Aurora, Catanduanes, ng Camarines Sur, ng Albay, Sorsogon, at ng Masbate kabilang ang Ticao Island, at ang hilagang bahagi ng Palawan (El Nido, Taytay, Dumaran, Araceli, Roxas, San Vicente) kabilang ang Calamian Islands at Cuyo Islands.

At sa Visayas, ang hilaga at gitnang bahagi ng Eastern Samar (Quinapondan, Can-Avid, Lawaan, Maslog, Balangiga, City of Borongan, San Policarpo, Taft, Llorente, Maydolong, Dolores, Giporlos, Jipapad, Oras, Arteche, Balangkayan, Sulat, San Julian, General Macarthur, Hernani), Samar, Northern Samar, Leyte, hilaga at gitnang bahagi ng Cebu (Daanbantayan, Medellin, San Remigio, Tabogon, City of Bogo, Borbon, Tabuelan, Sogod, Catmon, Tuburan, Carmen, Danao City, Asturias, Balamban, Compostela, Liloan, Cebu City, Mandaue City, Consolacion, Toledo City, City of Talisay, City of Naga, Pinamungahan, Minglanilla, Aloguinsan, San Fernando, City of Carcar, Barili, Sibonga, Dumanjug, Argao, Alcantara, Moalboal, Ronda, Lapu-Lapu City, Cordova, Badian, Dalaguete) kabilang ang Bantayan at Camotes Islands, Biliran, hilagang bahagi ng Bohol (Talibon, Getafe, Buenavista, Inabanga, Clarin, Tubigon, Calape, Bien Unido, Loon), Negros Occidental, ang hilaga at gitnang bahagi ng Negros Oriental (City of Guihulngan, Vallehermoso, Canlaon City, La Libertad, Jimalalud, Tayasan, Bais City, City of Bayawan, Manjuyod, Basay, Bindoy, Mabinay, Ayungon, City of Tanjay), Guimaras, nalalabing bahagi ng  Antique, Aklan, Capiz, at Iloilo.

Ang sentro ng lokasyon ng severe tropical storm Paeng ay nasa karagatan ng San Juan, Batangas at kumikilos ng pakanluran hilagang kanluran sa bilis na 15 km/h at lakas na hangin ng 95 km/h at gustiness na aabot sa 130 km/h.