Ni NOEL ABUEL
Nagpahayag ng suporta si Senador Christopher “Bong” Go sa mga panukalang dagdagan ang national calamity fund ngayong taon dahil sa mga nagdaang kalamidad na tumama sa bansa.
Sa isang pahayag, sinabi ni Go na wala itong tutol sa pagtaas ng calamity funds para sa 2023, aniya, tungkulin ng gobyerno na agad na tulungan ang mga naapektuhan ng iba’t ibang kalamidad upang makabangon muli sila kaagad.
“Susuportahan ko ang pagdagdag sa calamity funds for 2023. Wala akong pagtutol diyan dahil tungkulin natin na matulungan kaagad ang mga tinamaan ng iba’t ibang kalamidad para sila ay makabangon kaagad muli,” sabi ni Go.
Iginiit ng senador, ang pangangailangang tiyaking magagamit kaagad at naaangkop ang calamity fund.
Idinagdag nito na ang mga emergency fund ay magiging mas mahusay at epektibong magagamit kung mayroong isang departamento na nakatutok sa pamamahala ng mga programa pagdating sa mga pagsisikap sa relief, pagbangon at rehabilitasyon.
“Subalit ang mas mahalagang tanong ay paano mas masisiguro na magagamit agad at nang mas tama ang malaking pondong ito. Natuto na rin tayo sa naging karanasan natin noong pandemya at nakaraang mga kalamidad,” ayon kay Go.
“Bagama’t malaking tulong ang calamity funds, magiging mas mabilis at mas maayos sana ang paggamit nito kung may iisang departamento na naka-focus sa pamamahala ng mga programa pagdating sa relief, recovery and rehabilitation efforts,” aniya pa.
Inihalimbawa ni Go ang pagpasa ng Senate Bill No. 188 o ang kanyang panukalang Department Disaster Resilience Act na naglalayong magtatag ng isang ahensya na tututukan sa pagbuo at pagpapatupad ng mga holistic na hakbang na magpapaunlad sa kakayahan ng gobyerno na mahusay na tumugon sa mga kaugnay ng kalamidad mga pangyayari.
Aniya, pagsasama-samahin ng DDR ang lahat ng mahahalagang tungkulin at mandato na kasalukuyang nakakalat sa iba’t ibang ahensyang may kinalaman sa kalamidad.
Kapag naitatag, ito ang pangunahing responsable para sa pagpapatupad ng mga programa, proyekto at aktibidad na nagtitiyak na ang mga komunidad hindi tatamaan ng sakuna, umaangkop at ligtas.
“Kaya mahalaga na magkaroon sana tayo ng Department of Disaster Resilience headed by a Cabinet-level secretary.bKung maglalagay tayo ng mas malaking pondo, ikonsidera na natin na maglagay ng streamlined at mas empowered na governing body na magiging accountable sa paggamit ng pondong ito,” ayon pa dito.
Binigyang-diin ng senador na panahon na para matuto ng leksyon ang bansa.
“Either we strengthen further the NDRRMC to help it carry out its mandate or we establish the DDR. We need a holistic approach in dealing with the more devastating effects of climate change, especially that the Philippines is considered as one of the most vulnerable in the world. So let us work together to provide a safer and more comfortable life for all,” pagtatapos ng senador.
OnlineBalita news 