Ni NOEL ABUEL
Sinisiguro ni House Speaker Martin G. Romualdez kay Pangulong Ferdinand “Bongbong” Marcos Jr. na maipapasa ang panukalang P5.268-trillion 2023 national fund bago matapos ang taon.
“We will have the Agenda for Prosperity national budget before the end of the year,” sabi nito.
Ang pahayag ni Romualdez ay sa gitna ng isinasagawang bicameral conference committee (bicam) ng Senado at Kamara na pinamumunuan nina Senador Sonny Angara, ang chairman ng Senate Committee on Finance at Ako Bicol party-list Rep. Elizaldy Co, na chairman ng House Committee on Appropriations.
Naipasa ng Kamara ang panukalang badyet para sa susunod na taon batay sa National Expenditure Program, ang bersyon ng plano ng paggasta ni Pangulong Marcos habang naprubahan ng Senado ang bersyon nito ngayong linggo.
Sinabi ni Romualdez na ang dalawang kapulungan ng Kongreso ay may sapat na oras upang makabuo ng pinal na bersyon ng badyet bago magsimula ng kanilang Christmas recess sa Disyembre 17.
“We have sufficient time, we will finally approve the budget before yearend. It is the most important tool in accomplishing the objectives of the President’s Agenda for Prosperity and his eight-point socio-economic development plan,” sabi ni Romualdez.
“With this budget, which is the first full-year spending measure proposed by the President, we hope to sustain or even accelerate our economic growth, which should benefit all of our people,” dagdag nito.
Inihalimbawa pa nito na ang datos para sa unang tatlong quarter ng taon ay napakasigla kung kaya’t magiging maayos ang lahat.
“With economic expansion figures averaging 7.7 percent, we are on track to achieving the administration’s growth target for this year of 6.5 percent to 7.5 percent,” giit pa ni Romualdez.
OnlineBalita news 