Solon sa MWSS: Idetalye ang water rate hikes

Ni NOEL ABUEL

Hiniling ni House Deputy Minority Leader at Bagong Henerasyon party list Rep. Bernadette Herrera sa Metropolitan Waterworks and Sewerage System (MWSS) na magbigay ng mga detalyadong kalkulasyon na nagpapakita kung paano ito nakarating sa mga halaga ng pagtaas ng singil sa tubig para sa dalawang pribadong concessionaires nito.

Tugon ito ng kongresista sa kamakailang pahayag ng MWSS-Regulatory Office na inaprubahan nito ang rate rebasing adjustments para sa Manila Water Company Inc. at Maynilad Water Services Inc. na ipatutupad mula 2023 hanggang 2027.

Ang Manila Water at Maynilad ay magpapataw ng karagdagang singil na P20.37 at P13.69 sa loob ng 5-taon.

Ngunit sinabi ni Herrera na dapat malaman ng publiko kung makatwiran o hindi ang mga pagdaragdag ng rate na ito.

“The MWSS-Regulatory Office is under strict obligation at this time to show computations in accordance to the parameters of return on rate base, projected additional capex (capital expenditures) invested already in the water supply distribution system, updated percentages of capex invested on sewerage and sanitation facilities by the concessionaires, and computation of the effect of inflation,” paliwanag pa ni Herrera.

Ipinaliwanag nito na ang epekto ng pagkakaiba-iba ng foreign currency ay hindi dapat isama sa mga bagong rate kung ang mga ito ay hiwalay na inaayos sa ilalim ng ibang mekanismo ng pagtaas ng rate.

Sinabi ni Herrera na nais nitong malaman kung ang mga MWSS ay nagmasid sa dalawang mahahalagang hakbang na ibinigay sa ilalim ng batas sa pagtatakda ng mga bagong rate.

Una, sinabi ni Herrera na dapat ipaalala sa MWSS na ang Maynilad at Manila Water ay itinuturing na ngayong mga public utilities kung kaya’t ang 12 porsiyentong return on rate base ay dapat na mahigpit na sundin.

“It is no longer what was practiced before where there were abuses in the application of rate rebasing methodologies and where projects intended to be done were already considered in the water rate settings by the unscrupulous MWSS regulators,” sabi nito.

Idinagdag pa ng mambabatas na ang income taxes ng mga concessionaires ay hindi na dapat bahagi sa rate setting.

“It can be recalled that in the past MWSS rate rebasing, the income taxes of Maynilad and Manila Water were part of our monthly billings of water consumption per cubic meter,” aniya pa.

Sinabi ni Herrera na ang regulators ay dapat na ibawas  mula sa bagong dagdag singil ang mga naunang proyekto ng mga water concessionaires  na hindi ipinatupad ngunit nakolekta sa mga water consumers na nakalagay sa kanilang nakaraang buwanang billings.

Tinukoy nito ang mga proyekto na kinabibilangan ng Wawa Dam, Angat dam, Antipolo  sewage treatment plant at iba pang mga programa sa pag-unlad ng mapagkukunan ng tubig na hindi kailanman ipinatupad hanggang sa kasalukuyan.

“The non-completion of these projects resulted in water supply shortages that we are currently experiencing despite the rains and flood water abundance,” giit pa ni Herrera.