NI NOEL ABUEL
Pinaiimbestigahan ni Cavite Rep. Elpidio Barzaga Jr. sa Kongreso ang Bureau of Fisheries and Aquatic Resources (BFAR) sa pagbabawal nito sa pagbebenta ng mga imported na isda tulad ng pampano at pink salmon sa lokal na merkado.
Ayon sa kongresista kailangang ipaliwanag ng BFAR ang legal na batayan ng utos nito sa naturang hakbang.
“This is to determine if there is a violation of the Constitution, discrimination against local fish vendors and if the present regulations only encourage smuggling, graft and corruption that does not protect the general public, the environment, and promote the general welfare,” sa inihaing House Resolution No. 600 ni Barzaga.
Sinabi ni Barzaga na kailangang imbestigahan ang nagaganap na crackdown upang masuri kung tama ang BFAR sa pagsasabing ang hakbang ay batay sa mga batas at regulasyon tulad ng The Philippine Fisheries Code of 1998 (Republic Act No. 8550), Fisheries Administrative Order (FAO) 195, Fisheries Memorandum Order (FMO) No. 001, FAO 259, at Certificate of Necessity to Import.
Sinabi nito na ang panukala ay titiyak kung ang mga administrative order at memorandum order ng BFAR ay batay sa ebidensya at kung ang pagpapatupad nito ay nasa maayos.
Una nang iniutos ng BFAR na bantayan ang mga wet market, na nagsasabing ipinagbabawal ang pagbebenta ng imported na pampano at pink salmon sa mga wet market sa ilalim ng Fisheries Administrative Order 195, dahil ang mga ito ay para lamang umano sa canning, processing, at hotel at restaurant.
Sinabi ng ahensya na ang pampano at pink salmon ay hindi kasama sa Certificate of Necessity to Import (CNI) na inisyu noong Nobyembre, kung saan nakalista ang mga imported na produkto ng isda na maaaring ibenta sa mga wet market.
Sa Sec. 2 ng FAO 195 isinasaad na ang pag-aangkat ng sariwa/chilled/frozen na isda at iba pang aquatic products ay papayagan kapag naglabas ng sertipikasyon ang kalihim ng BFAR upang makamit ang seguridad sa pagkain na isinasaalang-alang ang kapakanan at kaligtasan ng publiko, sa konsultasyon sa National Fisheries and Aquatic Resources Management Council.
Ipinunto ni Barzaga na ang administrative order, Section 1 ng Fisheries Memorandum Order (FMO) No. 001, Series of 2000 ay nangangailangan ang institutional buyers na makakuha ng authority to import mula sa BFAR.
“To insure that importation for such purposes is strictly observed, the Bureau reserves the right to reject applications to import fresh/chilled/frozen fish and fishery/aquatic products which it deems contrary to the purpose stated. Specifically, importation for direct selling to the wet market is not within the scope of this guideline, and applications for such purpose, or with such intent, will not be considered until the Secretary of Agriculture issues a Certificate of Necessity to Import. Further, importation of fish and fishery products covered by this guideline will largely depend on the species and volume to be imported in relation to the purpose of such importation. Finally, this guideline does not preclude the Director of Fisheries from issuing further policies aimed at clarifying issues and enhancing this guideline,” nakasaad sa resolusyon.
Sinabi pa nito na kailangan ding suriin ang direktiba ng BFAR sa pagbubukod ng iba pang isda tulad ng pampano at pink salmon sa CNI na inilabas noong Nobyembre at kung bakit ang mga institutional buyers ay pinapayagang magbenta ng pareho, na isinasaad sa, Sec. 3 ng FAO 195 at Sec. 2, c ng FMO 001.
“There should be an investigation to determine if the alleged prohibition applies to both local fish vendors and institutional buyers or to the former only and consequently, why a similar crackdown is not being done against institutional buyers thereby discriminating against local fish vendors. More importantly, BFAR should define the meaning of ‘institutional buyers’ in order to avoid confusion in the interpretation and implementation of their administrative orders,” sabi pa ni Barzaga.
OnlineBalita news 