NI NOEL ABUEL
Muling namahagi ng maagang Pamasko ang OFW party-list sa mga pamilya ng overseas Filipino workers na nasa Metro Manila.
Pinangunahan ni OFW party-list Rep. Marissa “Del Mar” Magsino ang pamamahagi ng tulong pinansyal sa mga OFWs gayundin sa kanilang pamilya sa Ayala Mall sa Paranaque City.
Ito ang ikalawang pagkakataon na ginawa ni Magsino ang pamamahagi ng tulong pinansyal kung saan masayang-masaya ang mga dumalo.
“This is the second batch of the program in the national capital region this Christmas season. As part of the program’s expansion, the OFW Party List will also coordinate with DSWD’s regional offices to help bring the program to distressed OFWs and family members of OFWs in the provinces,” ayon kay Magsino.
Ayon sa kongresista, isusunod nitong pupuntahan ang iba’t ibang probinsya para hatiran ng tulong ang mga umuwing OFWs.
Idinagdag pa ng mambabatas na sisikapin nitong abutin ang iba pang OFWs na napilitang umuwi dahil sa mapait na kasanarasan sa kanilang employers
“Saan man kayo sa Pilipinas, ipaabot ng OFW party-list, kasama ng DSWD, ang aming malasakit at kalinga sa inyo at inyong mga pamilya!,” pagtitiyak pa ni Magsino.
OnlineBalita news 