Ni JOY MADELEINE
Natanggap ng pamahalaang lungsod ng Caloocan sa pangunguna ni Mayor Dale Gonzalo “Along” Malapitan, ang ikaanim na sunod na Seal of Good Local Governance (SGLG) mula sa Department of the Interior and Local Government (DILG) noong Miyerkules, Disyembre 14, na ginanap sa Manila Hotel, Ermita.
Nabatid na ang lungsod ng Caloocan ang isa sa limang recipients ng naturang parangal na kasama sa 17 local government units sa National Capital Region (NCR).
Ayon sa DILG, ang nasabing parangal ay naglalayong bigyan ng disposisyon ang pagganap ng lokal na pamahalaan sa mga pangunahing larangan kabilang ang financial administration, environmental conservation, disaster preparedness, social protection and sensitivity, education, health, business-friendly at peace and order measures.
Nagpasalamat si Mayor Along sa nasabing parangal at inialay ang nasabing pagkilala sa mga mamamayan ng Caloocan at binigyan-diin na simula pa lamang ito ng pagtupad sa kanyang pangako na maglingkod nang may kahusayan at patuloy na pag-unlad.
“We are very grateful for this recognition, and we share this distinction with our fellow civil servants in the City Government of Caloocan. I know firsthand how hardworking and dedicated our employees are, especially amid the pandemic and the challenges it has brought in, shaping our services to be more sustainable and accessible to the public,” aniya.
“We dedicate all of this to our citizens. Gaya ng lagi ko pong sinasabi, ang lahat ng ating programa, proyekto at mga pagkilala sa ating mga napagtagumpayan ay bahagi ng ating pagnanais na magbigay ng hindi mapapantayang serbisyo sa inyo — para sa inyo po ito, mga Batang Kankaloo,” dagdag pa ni Malapitan.
Alinsunod dito, nakatanggap din ang Caloocan ng anim na urban governance exemplary awards kabilang ang Top Performer sa pagsisikap nitong i-rehabilitate ang mga informal settlers bilang bahagi ng Manila Bay Clean-up Rehabilitation and Preservation Program (MBCRPP) at nakatanggap din ng moderately-compliant na rating sa ilalim ng nasabing programa; nakakuha ng functionality rating sa 2022 Peace and Order Council Performance Audit; nakakuha ng adjectival rating na mataas ang functional sa Anti-Drug Abuse Performance Audit para sa highly-urbanized na kategorya ng lungsod; at nakakuha ng dalawang pagkilala para sa magandang pagganap nito sa mga serbisyo ng paghahatid para sa mga bata sa Child-friendly Local Governance Audit ng DILG.
Sinabi ni Mayor Along na ang mga nasabing pagkilala ay patunay sa mga bagay na nakatakdang makamit ng lokal na pamahalaan, na naaayon sa layunin nitong mapanatili ang kapayapaan at kaayusan habang nakatuon sa pag-unlad ng ekonomiya.
“We will take this as our inspiration moving forward. Greater things are ahead for Caloocan. Sama-sama ang bawat komunidad patungo sa isang progresibo, payapa at panatag na lungsod,” ayon kay Mayor Along.
OnlineBalita news 