NI NOEL ABUEL
Pinuri ni Senador Christopher “Bong” Go ang lahat ng health at non-health workers ng ilang ospital sa kanilang dedikadong serbisyo sa patuloy na epekto ng pandemya.
Sa pagkilala sa mga hamon na kinakaharap ng mga pampublikong pasilidad sa pangangalagang pangkalusugan, muling pinagtibay ng senador ang kanyang pangako na higit pang pagbutihin ang kapasidad ng ospital upang mas mahusay nitong matugunan ang mga pangangailangan ng mga pasyente nito.
Sa kanyang pahayag ay matapos bisitahin ang
ika-48 ng kabuuang 153 Malasakit Centers sa Davao de Oro Provincial Hospital sa bayan ng Montevista.
“Full support po ako sa inyong Malasakit Center, full support po ako sa inyong Super Health Center at iba pang inisyatibo na makakatulong sa ating health sector. Bilang chair ng Committee on Health sa Senado, suportado ko po na i-improve ang ating mga specialty hospitals o centers sa buong bansa para hindi na kinakailangan pang bumiyahe sa Maynila para sa operasyon sa puso at iba pa,” pahayag pa nito.
“Huwag kayong magpasalamat sa amin ni dating Presidente Rodrigo Duterte. Kami ang magpapasalamat sa inyo dahil binigyan n’yo kami ng pagkakataon na makapagserbisyo sa inyo. Puso sa puso ang pagpapasalamat namin sa inyong lahat. Maraming salamat sa inyo dito sa Montevista,” dagdag pa ni Go.
Ang Malasakit Centers program ay unang inilunsad sa Cebu noong 2018. Ang center ay naglalaman ng mga ahensyang nag-aalok ng mga programa sa tulong medikal, kabilang ang DOH, Department of Social Welfare and Development, Philippine Health Insurance Corporation, at Philippine Charity Sweepstakes Office, upang tulungan ang mga mahihirap at mahihirap na pasyente na bawasan ang kanilang mga bayarin sa ospital sa pinakamababang halaga.
“Isa yan sa ipinaglaban ko nu’ng umupo ako sa Senado. Bakit ba natin pinapahirapan ang mga Pilipino kung pera naman nila ‘yan? Kaya itinulak ko talaga ang Malasakit Centers Act. Target nito ay ‘zero balance’ para sana ay wala nang babayaran ang mga poor at indigent. Kaya naman itong Malasakit Center ay para po ‘yan sa inyong minamahal kong Pilipino,” ayon kay Go, ang principal author at sponsor ng Republic Act No. 11463.
“Meron na tayong 153 Malasakit Centers sa buong bansa. Ang Malasakit Center ay one-stop shop na kung saan ang apat na ahensya ng gobyerno ay nasa loob ng ospital. Tutulungan ho kayo ng Malasakit Center at kung kailangan niyo po ng tulong, lapitan niyo lang po ang aking opisina. Bukas po ang aking opisina para po sa inyong lahat sa abot ng aking makakaya, nandirito lang po ako,” pagtitiyak pa nito.
Samantala, namahagi si Go at ang kanyang team ng mga grocery packs, pagkain, face mask at bitamina sa 214 na pasyente at 369 frontliners sa ospital.
Namigay rin ito ng mga bisikleta, cellular phone, sapatos, relo, kamiseta, payong, sombrero, at bola para sa basketball at volleyball sa mga piling benepisyaryo.
Namahagi rin ang DSWD ng financial assistance sa mga pasyente at 145 rank-and-file hospital employees.
OnlineBalita news 