Ni NOEL ABUEL
Pinuri ni Aklan 2nd District Rep. Teodorico Haresco Jr. si Vice President Sara Duterte para sa pagiging punong bisita sa 2023 Aklan Outstanding Mentors (ATOM) awards at pagbibigay pag-asa sa guro sa Capitol’s Augusto B. Legaspi Memorial Sports and Cultural Complex noong Enero 21.
“We are deeply grateful to Vice President Sara Duterte and her notable efforts to empower our teachers and the education sector. Her commitment to quality and accessible education coupled with her love for our teachers and learners are unparalleled,” sabi ni Haresco.
Sa kanyang pampublikong talumpati, inulit ni Duterte ang kanyang pananaw bilang kalihim ng Department of Education (DepEd) na tututukan ang mga benepisyo ng mga guro, paglaki ng mga mag-aaral, at rehabilitasyon at muling pagtatayo ng imprastraktura ng paaralan.
Ibinahagi rin ni VP Duterte na nagbago ang kanyang buhay dahil sa isang guro na naniwala sa kanya at naging mentor niya.
Kasabay nito ay hinimok ni Duterte ang mga guro na maging “tagapagturo” upang gabayan ang mga kabataan at baguhin ang kanilang buhay para sa mas mahusay, sa parehong paraan na ginagabayan at nabigyang-inspirasyon siya ng kanyang tagapagturo.
“Our dear teachers and mentors, you hold the key to our children’s future, and I honor each and every one of you for your zeal, commitment and contributions to your community even beyond the call of duty,” sa kanyang pahayag bilang ATOM guest of honor.
Ang ATOM ay itinatag noong 2014 ni Haresco, bilang parangal sa kanyang ina, ang yumaong abogado at gurong si Razon Haresco, upang kilalanin ang mga natatanging kontribusyon at sakripisyo ng mga marangal na tagapagturo.
Kabilang sa mga pinarangalan ngayong taon sina Master Teacher I Ruel Mia II ng Rosal Elementary School; SHS Teacher Grichelle Pelayo ng Solido National High School; Jennyfel Dinglasan ng Lezo Integrated School; Master Teacher II Hazel Joy Rabe ng Kalibo Elementary School; Master Teacher I Eva Berlandino ng Makato Integrated School; Master Teacher I Frediecel Beltran ng Balete Integrated School; Teacher III Arnie Ventura ng Kalibo Pilot Elementary School; Master Teacher I Ruthelyn Yap ng Regional Science High School for Region VI; Master Teacher II Rose Ann Delima ng Kalibo Elementary School; at Master Teacher I Christina Iradiel ng Kalibo Elementary School.
Ang mga nasabing awardees ay tatanggap ng kabuuang P45,000 at plake kung saan ang P20,000 ay manggagaling kay Haresco, P5,000 mula kay Kalibo Mayor Juris Sucro, at P20,000 mula kay Duterte.
OnlineBalita news 