Mindanao niyanig ng magnitude 6

Ni MJ SULLIVAN

Niyanig ng malakas na paglindol ang malaking bahagi ng Mindanao ngayong gabi, ayon sa Philippine Institute of Volcanology and Seismology (Phivolcs).

Ayon sa datos ng Phivolcs, magnitude 6.0 ang tumama sa New Bataan, Davao de Oro dakong alas-6:44 ngayong gabi.

Natukoy ang sentro ng lindol sa layong 012 km hilagang silangan ng nasabing lugar at may lalim na 027 km at tectonic ang origin.

Naramdaman ang intensity V sa New Bataan, Davao de Oro; intensity IV sa City of Davao; City of Bislig, Surigao del Sur.

Intensity III naman sa Damulog, Kadingilan, Kalilangan, Libona, Pangantucan, at Talakag, Bukidnon; City of Cagayan De Oro; Cagwait, at Hinatuan, Surigao del Sur habang intensity II sa President Roxas, Capiz; San Francisco, Southern Leyte; City of El Salvador, at Villanueva, Misamis Oriental; Aleosan, Antipas, Arakan, Carmen, Kabacan, City of Kidapawan, Libungan, M’lang, Magpet, Makilala, Matalam, Pikit, at Tulunan, Cotabato; City of Koronadal, South Cotabato; Kalamansig, Sultan Kudarat; City of Cotabato.

Naramdaman din ang intensity I sa Esperanza, at lungsod ng Tacurong, Sultan Kudarat.

Naitala naman sa instrumental intensities ang intensity V sa Nabunturan, Davao de Oro; intensity III sa lungsod ng Davao; Kidapawan City, Cotabato; Alabel, Sarangani; Tupi, South Cotabato; Bislig City, Surigao del Sur.

Intensity II sa Cabadbaran City, Agusan del Norte; Libona at Malaybalay, Bukidnon; Don Marcelino, Davao Occidental; Abuyog, Leyte; San Francisco, Southern Leyte; Cagayan de Oro, Misamis Oriental; Malapatan, Glan, at Kiamba, Sarangani; Norala, General Santos City, Koronadal City and Tampakan,
South Cotabato; Tandag, Surigao del Sur.

Intensity I naman sa Alamada, Cotabato; Baybay at Dulag, Leyte; Cagayan de Oro, Misamis Oriental; Maitum, Sarangani; Suralla, Santo Nino, T’Boli, at Tantangan,
South Cotabato; Saint Bernard, Southern Leyte; Columbio, Sultan Kudarat; Surigao City, Surigao Del Norte.

Inaasahan naman ang pagkakaroon ng aftershocks sa mga susunod na araw.

Sa inisyal na ulat, may naitalang nasaktan sa nasabing paglindol at may mga lugar at establisimiyento ang nasira dahil sa naturang paglindol.