NI MJ SULLIVAN
Niyanig ng magkahiwalay na paglindol ang lalawigan ng Davao Occidental at Antique ngayong araw, ayon sa Philippine Institute of Volcanology and Seismology (Phivolcs).
Ayon sa Phivolcs, magnitude 3.7 ang naitala sa bayan ng Sarangani, Davao Occidental dakong alas-4:06 ng madaling-araw.
Nakita ang sentro ng lindol sa layong 191 km timog kanluran ng Balut Island sa munisipalidad ng Sarangani, Davao Occidental at may lalim na 336 km at tectonic ang origin.
Wala namang naging epekto ang nasabing lindol at wala ring inaasahang aftershocks sa mga susunod na araw.
Samantala, dakong alas-12:23 ng madaling-araw nang maramdaman ang magnitude 3.6 sa bayan ng Anini-y, Antique.
May lalim itong 11 kms at ang sentro ay nasa layong 093 km timog kanluran ng Anini-y, Antique.
Wala ring naitalang epekto ang lindol sa nasabing bayan at wala ring aftershocks ang inaasahan sa mga darating na araw.
OnlineBalita news 