Ni NOEL ABUEL
Nanawagan si Senador Nancy Binay sa Department of Health (DOH) at local government units (LGUs) na gumawa ng mga estratehiya at life-saving interventions para mabawasan ang bilang ng mga bata na hindi nakatanggap ng anumang regular na bakuna.
Ayon kay Binay, ang pag-target sa mga zero-dose na bata at pagpapabuti ng regular na “patak” immunization coverage sa mga barangay at school-levels ay maaaring maging kritikal na hakbang sa pag-abot sa hindi pa nabakunahan at ng bulnerableng kabataang populasyon.
“Sobrang nakakabahala ang balita ng UNICEF. Sa ngayon, parang isang milyong bata ang ‘at risk and unprotected’ dahil wala sila ni isang bakuna. And with the resurgence of many other diseases plus the new Covid variants, talagang government has to step-up efforts in improving our immunization status. The DOH may also need to revamp its ‘patak’ strategies, and place a stable machinery to ensure the vaccination of one million children in two years max,” sabi nito.
Kamakailan ay iniulat ng UNICEF na ang Pilipinas ay ika-5 “zero-dose” na bansa sa mundo at ang pangalawa sa pinakamataas sa Silangang Asya at Pacific Region na may isang milyong bata na hindi makakatanggap ng regular na pagbabakuna.
Ang “zero-dose” na mga bata ay ang mga kulang sa unang doses ng trivalent diphtheria-tetanus-pertussis (DTP) vaccine.
“Marami pa ring underserved communities, at ang critical link ng surveillance chain eh ang mga barangay. Para may katuwang ang DOH, the LGUs must likewise scale up its response via information campaign to help the public’s vaccine confidence and deal with the level of community resistance against having their children vaccinated,” giit pa ni Binay.
Sinabi ng senadora na dapat ipagpatuloy ng national government at lokal na pamahalaan ang mga regular na programa ng pagbabakuna upang matugunan ang mga hadlang at maiwasan ang krisis sa kaligtasan ng bata.
“We understand that the pandemic sidetracked the routine yet essential health services thereby leaving many children at risk. Pero hindi natin pwedeng idahilan ang pandemic fatigue dahil meron tayong malaking accountability sa mga bata. Landing 5th in the world, and 2nd in East Asia definitely reflects the cost of inaction on zero-dose children. Ang commitment ng gobyerno ay ang maabot ang vaccine equity. But the lack of access to essential vaccines and health services further exposes our children to multiple diseases that may lead to deaths. We need an ‘exit plan’. We need a strong and renewed commitment—a political will, with intensified efforts from the national and local governments to fill the immunity gap by establishing sustainable service delivery mechanisms through primary health care platforms,” paliwanag pa ng senador.
Maliban sa mataas na rate ng pag-aalinlangan sa bakuna ng mga magulang ng mga menor de edad, inilayo ng pandemya ang pokus at mga mapagkukunan mula sa nakagawiang mga serbisyong pangkalusugan na nag-iiwan sa milyun-milyong higit pang mga bata sa panganib ng mga sakit na maiiwasan sa bakuna.
Nanindigan ang UNICEF na ang mga hindi pagkakapantay-pantay sa kalusugan na dala ng COVID-19, ang bilang ng mga zero-dose na bata ay tiyak na tataas pa, na humahantong sa pagtaas ng bilang ng mga namamatay sa mga bata at mga paglaganap ng sakit.
“Ayaw na nating lomobo pa ang bilang ng zero-dose children. On our part in the Senate, we are committed in investing in public health. We cannot allow our children to be victims of an immunization standstill. We made sure that the DOH has the means to address and respond to such cases and problems, and dispense the necessary interventions specially in this vulnerable cohort,” ayon pa kay Binay, na tinukoy na ang pandemya ay patuloy na lumalalim na public health issue na higit na nakakaapekto sa mga kabataan.
OnlineBalita news 